Ҳаҷми умумии ҳамлу нақл байни Тоҷикистон ва Қазоқистон 5,8 фоиз афзудааст
ДУШАНБЕ, 18.05.2026 /АМИТ «Ховар»/. Дар 4 моҳи соли 2026 раванди мусбати боркашонии автомобилӣ байни Тоҷикистон ва Қазоқистон мушоҳида гардида, нисбат ба ҳамин давраи соли 2025 ҳаҷми умумии ҳамлу нақл 5,8 фоиз ва шумораи воситаҳои нақлиёт 17,9 фоиз афзоиш ёфтааст. Чунин гуфта шуд дар мулоқоти Вазири нақлиёти Тоҷикистон Азим Иброҳим бо Вазири нақлиёти Қазоқистон Нурлан Саунранбоев, ки дар шаҳри Остона дар доираи ҷаласаи XVIII Комиссияи байниҳукуматии ТРАСЕКА баргузор гардид.
АМИТ «Ховар» бо истинод ба Вазорати нақлиёти Ҷумҳурии Тоҷикистон иттилоъ медиҳад, ки ҷонибҳо масъалаҳои рушди минбаъдаи ҳамкории ду давлатро дар соҳаи нақлиёт баррасӣ намуданд.
Тавре Вазири нақлиёти Тоҷикистон иброз намуд, Тоҷикистон ба рушди ҳамкории нақлиётӣ бо Қазоқистон ҳамчун яке аз шарикони калидӣ дар минтақа аҳамияти муҳим медиҳад.
Гуфта шуд, ки афзоиши ҳамлу нақл бо роҳи оҳан ва транзит тавассути қаламрави Қазоқистон афзоиш ёфтааст. Соли 2025 ҳаҷми умумии ҳамлу нақл бо роҳи оҳан зиёда аз 5,6 миллион тоннаро ташкил дод, ки нисбат ба соли 2024 беш аз 621 ҳазор тонна зиёд аст.
Вазирон ба мувофиқа расиданд, ки ҳамкории муштарак оид ба рушди долонҳои байналмилалии нақлиётӣ, сода кардани расмиёти транзитӣ, рақамикунонии хизматрасониҳои нақлиётӣ ва баланд бардоштани қобилияти инфрасохтори дахлдор байни кишварҳо муҳим мебошад.
АКС: Вазорати нақлиёти Ҷумҳурии Тоҷикистон
ОМОДАГӢ БА ЗИМИСТОН. Муассисаҳои тандурустии вилояти Суғд ба мавсими сармо омода мебошанд
Дар доираи TAJ-TECH 2026 дар Душанбе Форуми стартапҳои давлатҳои аъзои СҲШ доир шуд
Боғпарварони ноҳияи Лахш имсол ҳосили фаровони мева мерӯёнанд
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
Тоҷикистон ва Қатар ҳамкорӣ дар самти сармоягузориро тақвият медиҳанд
Ҷаласаи навбатии Комиссияи байниҳукуматии Ҷумҳурии Тоҷикистон ва Федератсияи Русия баргузор гардид
Густариши ҳамкории Тоҷикистон ва Узбекистон дар соҳаи инноватсия ва технологияҳои рақамӣ баррасӣ шуд
Ҳамоишҳои байналмилалӣ дар соҳаи алоқа ҷамъбаст гардиданд
Хуршед Мирзо: «Иқдоми муҳими Тоҷикистон дар соҳаи инноватсия ва технологияҳои рақамӣ бунёди IT HUB DUSHANBE аст»
«Барномаи давлатии рушди маърифат ва фарҳанги экологии аҳолии Ҷумҳурии Тоҷикистон барои солҳои 2026-2030» қабул гардид
