Ҷаласаи Кумитаи муштараки роҳбарикунандаи Ҳукумати Ҷумҳурии Тоҷикистон ва Созмони Милали Муттаҳид доир шуд
ДУШАНБЕ, 01.05.2026. /АМИТ «Ховар»/. 30 апрел дар Вазорати рушди иқтисод ва савдои Ҷумҳурии Тоҷикистон ҷаласаи Кумитаи муштараки роҳбарикунандаи Ҳукумати Ҷумҳурии Тоҷикистон ва Созмони Милали Муттаҳид баргузор гардид. Дар ин хусус ба АМИТ «Ховар» аз ин вазорат хабар доданд.
Иброз шуд, ки таҳти сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон ва тадбирҳои андешидаи Ҳукумати мамлакат ҳамкорӣ бо Созмони Милали Муттаҳид дар самтҳои рушди устувор, таҳкими сармояи инсонӣ, саноатикунонӣ, иқтисоди рақамӣ, иқтисоди «сабз» ва дигар соҳаҳои афзалиятнок пайваста густариш меёбад.
Гуфта шуд, ки Барномаи ҳамкории «Созмони Милали Муттаҳид оид ба рушди устувор барои солҳои 2023–2026» ба афзалияти «Стратегияи миллии рушди Ҷумҳурии Тоҷикистон барои давраи то соли 2030», «Барномаи рушди миёнамуҳлат барои солҳои 2026 — 2030» ва Ҳадафҳои рушди устувор ҳамоҳанг буда, ҳамчун воситаи муҳими татбиқи сиёсати иқтисодию иҷтимоии давлат хизмат менамояд.
Дар доираи ҷаласа вохӯрии Вазири рушди иқтисод ва савдо Абдураҳмон Абдураҳмонзода бо ҳамраисони Шурои ҳамоҳангсозии рушд, аз ҷумла ҳамоҳангсози доимии Созмони Милали Муттаҳид дар Ҷумҳурии Тоҷикистон Парвати Рамасвами, роҳбари ҳамкорӣ аз Иттиҳоди Аврупо Исабел Уриз Эрнандес ва роҳбари намояндагии Бонки Аврупоии таҷдид ва рушд дар Тоҷикистон Ҳолгер Вифел баргузор гардид.
Ҷонибҳо масъалаҳои муҳими ҳамкорӣ дар самтҳои иқтисодию иҷтимоӣ ва тақвияти механизмҳои иртибот ва ҳамоҳангсозӣ байни Вазорати рушди иқтисод ва савдо ва шарикони рушд, аз ҷумла дар доираи фаъолияти Шурои миллии рушдро мавриди баррасӣ қарор доданд.
Абдураҳмон Абдураҳмонзода изҳор намуд, ки татбиқи «Барномаи миёнамуҳлати рушди Ҷумҳурии Тоҷикистон барои солҳои 2026-2030» ҷалби ҳамаҷонибаи шарикони рушд ва равонасозии захираҳои иловагии молиявию техникӣ ҳамчун омили калидии таъмини рушди устувор арзёбӣ мегардад.
Дар ҷаласа ҷонибҳо барои идомаи ҳамкории мутақобили судманд, тавсеаи шарикӣ ва татбиқи самараноки ташаббусҳои муштарак дар самти таъмини рушди устувори Ҷумҳурии Тоҷикистон изҳори омодагӣ намуданд.
АКС: Вазорати рушди иқтисод ва савдои Ҷумҳурии Тоҷикистон
Дар ноҳияи Шуғнон беш аз 720 оилаи занбӯри асал парвариш карда мешавад
35-СОЛАГИИ ИСТИҚЛОЛИ ДАВЛАТӢ. Дар Душанбе Озмоишгоҳи нави ҷумҳуриявии санҷиши сифати маҳсулоти кишоварзӣ ба истифода дода мешавад
Ҳамкории вилояти Суғд бо ширкатҳои чинӣ густариш меёбад
НИШАСТИ МАТБУОТӢ. Молу маҳсулоти Тоҷикистон дар 17 намоишгоҳи дохилию байналмилалӣ муаррифӣ гардид
Дар Тоҷикистон дар беш аз 3 ҳазор гектар ҷангалзор бунёд ва барқарор карда шуд
Дар доираи Барномаи давлатии рушди соҳаи геология 259 кони дорои захираҳои саноатӣ ба қайд гирифта шуд
ҲУКУМАТИ ЭЛЕКТРОНӢ ВА ҲУКУМАТИ РАҚАМӢ. Мулоҳизаҳо оид ба фарқияти он
Дар Душанбе масоили таҳкими ҳамкории институтсионалӣ бо Агентии TIKA баррасӣ гардид
Дар Хатлон масоили рушди ҳамкории сармоягузорӣ ва боғдорӣ баррасӣ гардид
НИШАСТИ МАТБУОТӢ. Ҳаҷми истеҳсоли неруи барқ дар неругоҳҳо ва марказҳои барқу гармидиҳии ҶСК «Барқи Тоҷик» беш аз 8 миллиард кВт-соатро ташкил дод
Таҷриба ва ташаббусҳои Тоҷикистон оид ба рушди иқтисоди рақамӣ дар ҷаласаи сатҳи баланди кишварҳои рӯ ба тараққии маҳсур дар хушкӣ (LLDCs) муаррифӣ шуд
НИШАСТИ МАТБУОТӢ. Дар озмоишгоҳҳои «Тоҷикстандарт» чӣ миқдор маҳсулоти ғайристандартӣ ошкор гардид?
