Ҳамкории Тоҷикистон ва Беларус дар самти аттестатсияи кадрҳои илмӣ баррасӣ гардид
ДУШАНБЕ, 30.05.2026 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Бахтовар Сафарзода бо Раиси Комиссияи олии аттестатсионии Ҷумҳурии Беларус Александр Гучок мулоқот намуд.
Тавре ба АМИТ «Ховар» аз Сафорати Ҷумҳурии Тоҷикистон дар Ҷумҳурии Беларус хабар доданд, зимни мулоқот ҷонибҳо вазъ ва дурнамои рушди ҳамкории Ҷумҳурии Тоҷикистон ва Ҷумҳурии Беларусро дар самти аттестатсияи кадрҳои илмӣ баррасӣ намуданд.
Таваҷҷуҳи махсус ба масъалаҳои таҳкими заминаи шартномавию ҳуқуқии ҳамкорӣ, табодули таҷриба дар соҳаи аттестатсияи давлатии илмӣ, инчунин тавсеаи ҳамкорӣ байни Комиссияи олии аттестатсионии Ҷумҳурии Беларус ва Комиссияи олии аттестатсионии назди Президенти Ҷумҳурии Тоҷикистон зоҳир гардид.
Ҳамчунин таваҷҷуҳи ҷонибҳо ба рушди ҳамкорӣ байни шуроҳои диссертатсионӣ дар бахши риштаҳои нодири илмӣ, ҳимояи рисолаҳои номзадӣ ва докторӣ дар шуроҳои диссертатсионии Ҷумҳурии Тоҷикистон ва Ҷумҳурии Беларус, инчунин таъсиси шуроҳои якдафъаина оид ба ҳимояи рисолаҳои илмӣ аз рӯи соҳаҳое, ки дар Ҷумҳурии Тоҷикистон шуроҳои диссертатсионӣ фаъолият надоранд, равона гардид.
Дар анҷоми мулоқот ҷонибҳо барои идомаи муколамаи созанда ва андешидани тадбирҳои амалӣ бобати фаъолгардонии ҳамкорӣ байни мақомоти аттестатсионии ду давлат изҳори омодагӣ намуданд.
АКС: Сафорати Ҷумҳурии Тоҷикистон дар Ҷумҳурии Беларус
Ҳамкории иқтисодӣ ва ҷалби сармоягузории Давлати Кувайт ба Тоҷикистон баррасӣ гардид
Сафири Тоҷикистон бо Президенти Кантони Сюрих мулоқот намуд
Сафири Тоҷикистон дар Австрия бо Президенти Ассотсиатсияи табибони «Avicenna» вохӯрӣ намуд
Ҳамкории Тоҷикистон бо Палатаи муштараки тиҷоратии Швейтсария баррасӣ гардид
Сафири Тоҷикистон бо раиси Маркази миллии ҳамкории судии байналмилалии Ироқ мулоқот намуд
Қоҳир Расулзода бо роҳбари Бюрои рушди иттиҳоди байналмилалии алоқаи барқӣ Космос Завазава мулоқот намуд
Ҳайати Тоҷикистон дар чорабинии сатҳи баланд: «Муттаҳидӣ ба хотири об: даъват ба амали дастҷамъӣ» иштирок намуд
Тоҷикистон дар Ню-Йорк ҳамоиши сатҳи баланд оид ба ҳифзи пиряхҳо ва таҳкими устувории иқлим баргузор намуд
Ҳамкории мутақобили судманд байни Тоҷикистон ва Ироқ баррасӣ гардид
Сироҷиддин Муҳриддин нақши фаъоли Тоҷикистонро дар доираи СММ ва саҳми ташаббусҳои байналмилалӣ таъкид намуд
Дар шаҳри Абу Забӣ бахшида ба 35-солагии Истиқлоли давлатии Тоҷикистон чорабинии тантанавӣ баргузор гардид
Дар Давҳа 35-солагии Истиқлоли давлатии Тоҷикистон таҷлил гардид
