Ҳамкории Тоҷикистон ва Беларус дар самти сохтмон ва меъморӣ густариш меёбад
ДУШАНБЕ, 15.05.2026 /АМИТ «Ховар»/. Масоили такмили механизмҳои муайян намудани арзиши корҳои сохтмонӣ ва лоиҳакашӣ, мутобиқсозии меъёрҳои соҳавӣ ба талаботи муосир, баланд бардоштани сатҳи касбияти мутахассисон ва таҳкими ҳамкории байниидоравӣ дар вохӯрии Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Низом Мирзозода бо мутахассисони Ҷумҳурии Беларус баррасӣ гардид. Дар ин хусус АМИТ «Ховар» бо истинод ба Кумитаи меъморӣ ва сохтмони назди Ҳукумати Ҷумҳурии Тоҷикистон хабар медиҳад.
Зимни вохӯрӣ ҷонибҳо масъалаҳои муҳими рушди ҳамкории дуҷониба дар соҳаи меъморӣ ва сохтмонро баррасӣ намуда, ба густариши робитаҳои касбӣ ва тақвияти ҳамкории минбаъда таваҷҷуҳи махсус зоҳир намуданд. Ҳамзамон масъалаҳои мубодилаи таҷриба дар самти нархгузорӣ, такмили санадҳои меъёрӣ, истифодаи усулҳои муосир, муайян намудани арзиши корҳои сохтмонӣ ва татбиқи таҷрибаи амалии давлатҳои пешрафта мавриди баррасӣ қарор гирифтанд.
Инчунин масоили муайян намудани арзиши корҳои лоиҳакашӣ ва сохтмонӣ, тартиби таҳияи ҳуҷҷатҳои харҷномавӣ, истифодаи меъёрҳои техникӣ ва иқтисодӣ, инчунин таҷрибаи Ҷумҳурии Беларус дар самти нархгузорӣ дар соҳаи сохтмон баррасӣ гардид.
Мутахассисони Ҷумҳурии Беларус таҷрибаи амалиро оид ба татбиқи низомҳои муосири нархгузорӣ, истифодаи технологияҳои рақамӣ дар ҳисобу китобҳои сохтмонӣ ва такмили механизмҳои идоракунии арзиши лоиҳаҳои сохтмонӣ муаррифӣ намуданд.
Дар фарҷоми вохӯрӣ ҷонибҳо аҳамияти таҳкими робитаҳои касбӣ, табодули доимии таҷриба ва густариши ҳамкории судмандро барои рушди минбаъдаи соҳаи сохтмон ва меъморӣ дар ҳарду давлат муҳим арзёбӣ намуданд. Ҳамзамон барои идомаи ҳамкории касбӣ ба тариқи онлайн ибрози омодагӣ карда шуд.
АКС: Кумитаи меъморӣ ва сохтмони назди Ҳукумати Ҷумҳурии Тоҷикистон
ИСТИФОДАИ САМАРАНОКИ ЗАМИН. Аъзои хоҷагии деҳқонии «Бобои Ҳақназар» картошкаро ҷамъоварӣ намуда, тарбуз кишт мекунанд
Банкнотаи ҷашнии 100-сомонии Тоҷикистон ба рӯйхати ғолибони ҷоизаи байналмилалии IACA-2026 ворид шуд
Нақшаи пилласупорӣ дар вилояти Хатлон 76,9 фоиз иҷро гардид
Мудири кулли Созмони озуқаворӣ ва кишоварзӣ Тсюй Дунъюй ба иқтидори кишоварзии Тоҷикистон баҳои баланд дод
Ҳайати Тоҷикистон бо намояндагони Бонки аврупоии таҷдид ва рушд ва ширкати «OG Research» вохӯрӣ намуд
ПУЛИ САРМОЯГУЗОРӢ. Дар чорабинии канорӣ роҳҳои ҷалби захираҳои молиявӣ баррасӣ карда шуданд
Дар ноҳияи Деваштич дар 7070 гектар картошка кишт карда мешавад
Нигина Анварӣ: «Фонди махсуси навсозии системаҳои ирригатсионии Осиёи Марказӣ ташкил карда шавад»
Олег Кобяков: «Конфронси Душанбе ба таҳияи барномаи нави Созмони озуқаворӣ ва кишоварзӣ мусоидат мекунад»
Дар Душанбе оид ба Стратегияи рақамии дигаргунсозии системаҳои агроозуқаворӣ ҷаласа доир шуд
Раймунд Йелле: «Тоҷикистон дар масъалаҳои обу иқлим нақши муҳим дорад»
Директори Агентии инноватсия ва технологияҳои рақамӣ бо намояндагони пешбари ширкатҳои технологии чинӣ вохӯрӣ намуд
