«Амонатбонк» бо Хазинаи байналмилалии асъор ҳамкории молиявии дуҷонибаро густариш медиҳад
ДУШАНБЕ, 07.05.2026 /АМИТ «Ховар»/. Дар шаҳри Душанбе Раиси Раёсати Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» Алиҷон Салимзода бо роҳбари ҳайати кории Хазинаи байналмилаии асъор Мэтю Гертнер вохӯрӣ намуд. Дар ин хусус ба АМИТ «Ховар» аз «Амонатбонк» хабар доданд.
Дар вохӯрӣ масоили ҳамкории дуҷониба, дурнамои бонк, натиҷаҳои молиявӣ дар соли 2025, пардохтпазирӣ, иштирок дар музоядаҳои қоғазҳои қиматноки давлатӣ, рушди бозори асъор, афзоиши пешниҳоди қарз ба мизоҷон ва меъёрҳои макропруденсиалӣ мавриди муҳокимаи ҷонибҳо қарор дода шуданд.
Алиҷон Салимзода иброз намуд, ки «Амонатбонк» яке аз бонкҳои низомсози мамлакат буда, дар баробари фаъолияти тиҷоратӣ ҳамчун институти молиявии давлатии мамлакат амаликунандаи як ҳиссаи сиёсати иҷтимоии Ҳукумати Ҷумҳурии Тоҷикистон мебошад.
Мэтю Гертнер ба фаъолияти молиявии «Амонатбонк» дар соли 2025 ва нақшаҳои минбаъдаи «Амонатбонк» барои соли 2026 баҳои баланд дода, барои ҳамкории судманд бо «Амонатбонк» дар дилхоҳ самти фаъолият, ки ба рушди иқтисоди миллӣ равона гардидааст, изҳори омодагӣ намуд.
Дар интиҳои мулоқот ҷонибҳо бо изҳори қаноатмандӣ иброз доштанд, ки бо инобати манфиатҳои тарафайн ҳамкории молиявии дуҷонибаро рушд хоҳанд дод.
АКС: Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк»
Дар ҷумҳурӣ «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» татбиқ мегардад
Созишномаи маблағгузории лоиҳаи «Дастрасӣ ба бозорҳо ва мутобиқшавӣ ба чорводорӣ» ба имзо расид
Ҳамкории Тоҷикистон бо СММ дар самти инноватсия ва зеҳни сунъӣ густариш меёбад
РАВАНДИ ОБИ ДУШАНБЕ. Президенти Тоҷикистон пешниҳод намуданд, ки «Чаҳорчӯби Душанбе барои об» таъсис дода шавад
Ҳоким Холиқзода бо муовини якуми Президенти Бонки аврупоии таҷдид ва рушд Марк Боуман мулоқот намуд
Дар «Саноатсодиротбонк» Рӯзи дарҳои кушод баргузор гардид
Кормандони Агентии авиатсияи гражданӣ дар Осорхонаи миллӣ бо мероси таърихию фарҳангии ниёгон шинос шуданд
Ҳайати Тоҷикистон дар Форуми байналмилалии M360 Eurasia 2026 масъалаҳои рушди рақамиро баррасӣ намуд
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
