Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
ДУШАНБЕ, 04.05.2026 /АМИТ «Ховар»/. Ба хотири гиромидошти 115-солагии Шоири халқии Тоҷикистон, Қаҳрамони Тоҷикистон Устод Мирзо Турсунзода дар назди муҷассамаи шоир, воқеъ дар ноҳияи Шаҳринав бо иштироки роҳбарият ва аҳли илму фарҳанги ноҳия ҳамоиши илмӣ баргузор гардида, дар он доир ба ҳаёт ва фаъолияти эҷодии шоири ширинкалом, ходими намоёни давлатию ҷамъиятӣ Мирзо Турсунзода сухан карда шуд.
АМИТ «Ховар» бо истинод ба Мақомоти иҷроияи ҳокимияти давлатии ноҳияи Шаҳринав иттилоъ медиҳад, ки иштирокдорони ҳамоиш нахуст бо нишони эҳтиром ба хидматҳои мондагори ходими давлатию ҷамъиятӣ ба пояи муҷассамаи шоир Мирзо Турсунзода гулчанбар гузошта, руҳи шоири шаҳир ва вассофи сулҳу озодиро шод намуданд.
Иштирокдорони ҳамоиш доир ба хизматҳои мондагори пайвандгари дӯстӣ ва тараннумгари сулҳу озодӣ- Устод Мирзо Турсунзода ибрози назар намуданд. Гуфта шуд, ки Шоири халқии Тоҷикистон Мирзо Турсунзода вассофи сулҳу дӯстӣ буда, бо эҷодиёти гаронарзишаш дар рушду нумуи адабиёти муосири тоҷик ва муаррифии миллати тоҷик ба ҷаҳониён саҳми бузург гузоштааст. Мирзо Турсунзода адиби хеле варзидаю бузурге буд, ки ҳатто шоирону нависандагони кишварҳои хориҷӣ, аз ҷумла Ҳиндустон, Покистон, Эрон, Афғонистон ва дигар кишварҳои Осиёву Африқо ба ӯ чун шахсияти барҷастаи адабиёт ва инсони неруманду сулҳпарвар рӯ меоварданду эҳтиромаш мекарданд.
Дар доираи ҳамоиш инчунин барномаи рангини консертӣ, иборат аз сурудҳо бар ашъори Мирзо Турсунзода пешниҳод гардид.
АКС: Мақомоти иҷроияи ҳокимияти давлатии ноҳияи Шаҳринав
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
