Ба муносибати 115-солагии Мирзо Турсунзода дар шаҳри Турсунзода конференсияи илмӣ-назариявӣ-ҳизбӣ баргузор шуд
ДУШАНБЕ, 01.05.2026. /АМИТ «Ховар»/. 30 апрел дар шаҳри Турсунзода Конференсияи илмӣ-назариявӣ-ҳизбӣ таҳти унвони «Мирзо Турсунзода — шоири миллӣ ва байналмилалӣ» баргузор гардид.
Тавре ба АМИТ «Ховар» аз Мақомоти иҷроияи ҳокимияти давлатии шаҳри Турсунзода хабар доданд, чорабинӣ ба муносибати 115-солагии Қаҳрамони Тоҷикистон Мирзо Турсунзода баргузор гардида, дар он раиси шаҳри Турсунзода Парвиз Акрамзода, муовини якуми Раиси Ҳизби Халқии Демократии Тоҷикистон Маликшо Неъматзода, профессор Фирӯза Турсунзода, раиси Иттифоқи нависандагони Тоҷикистон Низом Қосим ва дигарон иштирок намуданд.
Зимни чорабинӣ таъкид гардид, ки фарзонафарзанди миллати тоҷик, шоири тавоно, ходими барҷастаи ҷамъиятӣ, Қаҳрамони Тоҷикистон Мирзо Турсунзода баробари роҳандозӣ намудани сиёсати давлатӣ дар саросари олам, муаррифгари фарҳангу тамаддуни тоҷикон, мунодии сулҳу амонӣ ва озодию адолат буд.
«Дар партави сиёсати инсондӯстӣ ва адабпарваронаи Пешвои муаззами миллат муҳтарам Эмомалӣ Раҳмон симои ҷовидонаи шоири шаҳири тоҷик намунаи ибрат буда, ашъори рангини ин солори адабу фарҳанги тоҷик моро ба корнамоию фидокориҳо ва созандагию бунёдкориҳои нав ба нав ҳидоят менамояд», — изҳор намуданд иштирокдорони конференсия.
Дар доираи конференсия меҳмонону иштирокдорон бо гулгузорӣ бар пояи муҷассамаи устод Мирзо Турсунзода хотираи шоири шаҳир ва ходими бузурги ҷамъиятиро гиромӣ доштанд.
Дар идома меҳмонон аз осорхонаи Мирзо Турсунзода, воқеъ дар деҳаи Қаротоғ, дидан намуда, бо ҳунари дастии ҳунармандони маҳаллӣ шинос шуданд.
Ҳунармандони шуъбаи фарҳанги шаҳри Турсунзода дар асоси матни ашъори Мирзо Турсунзода барномаи пурмуҳтавои консертӣ пешниҳод намуданд.
АКС: Мақомоти иҷроияи ҳокимияти давлатии шаҳри Турсунзода
Дар Рӯзи фарҳанги Вилояти Мухтори Кӯҳистони Бадахшон ба сокинони пойтахт ганҷинаи нотакрори ҳунар пешниҳод гардид
«CHAKAN HOUSE». Дар Донишгоҳи давлатии Данғара маркази дӯзандагӣ ифтитоҳ гардид
Имрӯз дар боғҳои шаҳри Душанбе рӯзҳои фарҳанги ВМКБ ва ноҳияи Файзобод баргузор мегарданд
Дар Душанбе рӯзи фарҳанги ноҳияҳои Ишкошим ва Мурғоб баргузор шуд
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
БОЗЁФТИ НОДИР. Сиккаҳои замони Сомониён дар Хутали Қадим кашф гардиданд
Шоири халқии Тоҷикистон Ҳадиса Қурбонова аз олам даргузашт
«САМАРАИ ИСТИҚЛОЛ». Таҳти чунин унвон Иттифоқи журналистони Тоҷикистон озмун эълон менамояд
«ЯК МЕРОС, ДУ САРЗАМИН». Намоиши маҷозии муштараки Тоҷикистон ва Эрон баргузор мегардад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
Дар Душанбе Рӯзи фарҳанги ноҳияи Рӯшон баргузор гардид
