БАРНОМАИ РУШДИ ЗАБОНИ ДАВЛАТӢ. Дар муассисаҳои шаҳри Кӯлоб санҷишу вохӯриҳо баргузор шуданд
ДУШАНБЕ, 31.05.2026 /АМИТ «Ховар»/. Бо мақсади амалисозии ҳамаҷонибаи сиёсати давлатӣ дар самти ҳифз ва таҳкими мақоми забони давлатӣ, татбиқи бандҳои Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» ва «Барномаи рушди забони давлатӣ барои солҳои 2020–2030» гурӯҳи кории Кумитаи забон ва истилоҳоти назди Ҳукумати Ҷумҳурии Тоҷикистон дар муассисаҳои шаҳри Кӯлоб санҷишу вохӯрӣ баргузор намуд. Дар ин хусус ба АМИТ «Ховар» аз Кумитаи забон ва истилоҳот хабар доданд.
Дар доираи ин тадбирҳо фаъолияти Мақомоти иҷроияи ҳокимияти давлатии шаҳри Кӯлоб, шуъбаи маориф, донишгоҳу донишкадаҳо, идораи Сабти асноди ҳолати шаҳрвандӣ, муассисаҳои таҳсилоти миёна ва ибтидои касбӣ мавриди омӯзиши амиқ қарор гирифт. Зимни санҷиш таваҷҷуҳи махсус ба ҳолати ҳуҷҷатнигорӣ, риояи меъёрҳои имлои забони тоҷикӣ, истифодаи дурусти аломатҳои китобат, сифати лавҳаву овезаҳо ва фарҳанги истифодаи забони давлатӣ дар фаъолияти рӯзмарраи муассисаҳо зоҳир карда шуд.
Натиҷаи санҷиш бозгӯйи он буд, ки дар аксар муассисаҳо ба масъалаи арҷгузорӣ ба забони давлатӣ ва пос доштану покизагии он муносибати самимона намудаанд. Ҳуҷҷатҳои расмӣ мутобиқ ба меъёрҳои забони адабӣ таҳия гардида, истифодаи дурусти истилоҳоту ибораҳо дар сатҳи хуб ба назар расид.
Бо вуҷуди ин, дар баъзе муассисаҳо камбудию норасоиҳои ҷузъӣ дар навишти баъзе овезаҳо, истифодаи аломатҳои китобат ва тарзи таҳияи ҳуҷҷатҳои расмӣ мушоҳида гардид. Барои бартараф намудани чунин камбудиҳо ба масъулин тавсияҳои мушаххас пешниҳод карда шуданд.
Директори «Маркази миллии тарҷума»-и Кумитаи забон ва истилоҳот Ҳамрохон Дӯстзода иброз дошт, ки забони давлатӣ яке аз рукнҳои муқаддаси давлатдорӣ, омили муҳимми таҳкими худшиносии миллӣ ва василаи асосии муаррифии миллат дар арсаи ҷаҳонӣ ба шумор меравад. Таъкид гардид, ки ҳар шаҳрванд вазифадор аст нисбат ба забони давлатӣ бо эҳтироми хосса муносибат намуда, дар татбиқи меъёрҳои он саҳми арзанда гузорад.
Чунин санҷишу вохӯриҳо барои рушди минбаъдаи забони давлатӣ ва эҳтиром ба арзишҳои миллӣ аҳаммияти бузург дошта, минбаъд низ идома меёбанд.
АКС: Кумитаи забон ва истилоҳоти назди Ҳукумати Ҷумҳурии Тоҷикистон
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
