Дар Донишгоҳи байналмилалии сайёҳӣ ва соҳибкории Тоҷикистон олимпиадаи ҷумҳуриявӣ ҷамъбаст шуд
ДУШАНБЕ, 25.05.2026 /АМИТ «Ховар»/. Имрӯз дар Донишгоҳи байналмилалии сайёҳӣ ва соҳибкории Тоҷикистон маросими ҷамъбаст ва мукофотонидани ғолибони Олимпиадаи VI ҷумҳуриявии донишҷӯёни муассисаҳои таҳсилоти олии касбии Ҷумҳурии Тоҷикистон аз рӯи фанҳои математика, химия, биология, физика, технологияҳои иттилоотӣ ва география барои дарёфти «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» баргузор гардид.
Тавре АМИТ «Ховар» бо истинод ба ин донишгоҳ хабар медиҳад, олимпиада аз 23 то 25 май баргузор шуда, дар он зиёда аз 180 донишҷӯ аз 36 донишгоҳу донишкадаи ҷумҳурӣ иштирок намуда, донишу маҳорат нишон доданд.
Ғолибони ҷойи якум бо 5000 сомонӣ, Диплом ва «Ҷоми раёсат», ҷойи дуюм бо 3000 сомонӣ ва Диплом ва ҷойи сеюм бо 1000 сомонӣ ва Диплом сарфароз гардонида шуданд.
Дар маросими ҷамъбасти олимпиада ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода иброз намуд, ки ҳадафи асосии баргузории чунин олимпиадаҳо баланд бардоштани сатҳи дониш ва ҷаҳонбинии илмии ҷавонон, рушди қобилияти эҷодиву таҳлилӣ, таҳкими рақобати солим байни донишҷӯён ва дарёфти чеҳраҳои боистеъдоди илмӣ мебошад.
Таъкид шуд, ки дастгирии ҷавонони лаёқатманд ва рушди неруи зеҳнии ҷумҳурӣ аз самтҳои афзалиятноки сиёсати маорифпарваронаи Президенти мамлакат муҳтарам Эмомалӣ Раҳмон ба шумор меравад.
АКС: Донишгоҳи байналмилалии сайёҳӣ ва соҳибкории Тоҷикистон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
Имрӯз бахшида ба Рӯзи омӯзгорон ҳамоиши тантанавӣ баргузор гардид
Эмомалӣ Раҳмон: «Мо ба неруи созандаи аҳли маориф, таҷрибаи устодони рӯзгордида ва талошҳои омӯзгорони ҷавон эътимоди қавӣ дорем»
Донишгоҳи байналмилалии сайёҳӣ ва соҳибкории Тоҷикистон дар рейтинги GreenMetric World University Rankings 2026 ба натиҷаи бесобиқа ноил гардид
Донишгоҳи техникии Тоҷикистон ба раддабандии ҷаҳонии донишгоҳҳои сабз дохил гардид
Доир ба рушди забони давлатӣ дар 35 соли Истиқлоли давлатӣ ҳамоиши илмӣ баргузор гардид
МАВЛОНО-ОФТОБИ МАЪРИФАТИ БАШАРӢ. Таҳти ин унвон ҳамоиши илмӣ – адабӣ доир шуд
Даври ниҳоии Озмуни ҷумҳуриявии «Омӯзгори сол — Тоҷикистон-2026» оғоз гардид
Натиҷаҳои озмуни тақсимоти давраи сеюми имтиҳонҳои марказонидаи дохилшавӣ муайян мегарданд
Даври ҷумҳуриявии озмуни «Мураббии сол — Тоҷикистон-2026» оғоз гардид
Президенти Тоҷикистон: «Вилояти Мухтори Кӯҳистони Бадахшон бо мардуми меҳмоннавоз ва имконоти васеи сайёҳӣ маҳбубияти зиёд дорад»
