Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ДУШАНБЕ, 03.05.2026 /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор ва намоиш–фурӯши маҳсулоти истеҳсоли корхонаҳои ватанӣ доир шуд.
Тавре ба АМИТ «Ховар» аз ин донишгоҳ хабар доданд, намоиши ҷойи холии кор бо мақсади рушди касбияти донишҷӯён ва бо ҷойи кор таъмин намудани хатмкунандагон гузаронида шуд. Дар намоиш аз ҷониби беш аз сад корхонаю ташкилот зиёда аз 1200 ҷойи холии кор пешниҳод гардид. Дар натиҷа беш аз 80 нафар соҳиби роҳхат шуданд, ки музди маоши пешниҳодгардида аз 1000 то 5000 сомониро ташкил медиҳад.
Иброз шуд, ки раёсати донишгоҳ бо мақсади боз ҳам беҳтар гузаронидани раванди таҷрибаомӯзӣ ва бо ҷойи кори доимӣ таъмин намудани хатмкунандагон бо беш аз 230 корхонаю ташкилот шартномаи ҳамкорӣ дорад.
Инчунин беш аз 20 маркази рушди касбияти кафедраҳо дар назди ташкилоту муассисаҳо ва мақомоти ҳамкор дар самти баланд бардоштани сатҳи касбияти донишҷӯён ва таъмини шуғли онҳо таъсис дода шудааст.
Имрӯзҳо дар доираи сиёсати пешгирифтаи Роҳбари давлат ҷавонони донишманд дастгирӣ ёфта, бо ҷойи кори хуб таъмин мешаванд. Дар Донишгоҳи давлатии ҳуқуқ, бизнес ва сиёсати Тоҷикистон равандҳои муосири таълим ҷорӣ гардида, истифодаи технологияҳои инноватсионӣ ва ташкили даврҳои такмили ихтисос бо иштироки корфармоён гузаронида мешаванд.
АКС: Донишгоҳи давлатии ҳуқуқ, бизнес ва сиёсати Тоҷикистон
Дар Хатлон 37 хатмкунанда соҳиби аттестати аълои универсалӣ ва равиявӣ гардид
«МАКТАБИ ПЕШСАФ — МАКТАБИ ШАРИК». Дар муассисаҳои таълимии вилояти Хатлон таҳти чунин унвон низоми нав амалӣ карда мешавад
Осори Робиаи Балхӣ ба 10 забони хориҷӣ тарҷума карда шуд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
