Дар Донишгоҳи технологии Тоҷикистон намоиши маҳсулот ва ҷойи холии кор баргузор шуд
ДУШАНБЕ, 16.05.2026 /АМИТ «Ховар»/. 15 май дар Донишгоҳи технологии Тоҷикистон намоиши маҳсулот ва ҷойи холии кор барои хатмкунандагон баргузор гардид. Дар ин хусус ба АМИТ «Ховар» аз Донишгоҳи технологии Тоҷикистон хабар доданд.
Чорабинӣ бо дастгирии Вазорати саноат ва технологияҳои нави Ҷумҳурии Тоҷикистон ва иштироки намояндагони якчанд корхонаю муассисаҳо баргузор шуд. Ҳадафи он аз мусоидат ба таъмини хатмкунандагон бо ҷойи кори доимӣ, рушди бозори меҳнат ва таҳкими ҳамкории муассисаҳои таълимӣ бо бахши истеҳсолот иборат буд.
Зимни ифтитоҳи намоиш иброз гардид, ки таҳкими низоми омодасозии мутахассисони баландихтисос ва рақобатпазир, ки ба талаботи муосири бозори меҳнат ҷавобгӯ мебошад, яке аз самтҳои муҳими сиёсати давлатии соҳаи маориф ба ҳисоб меравад.
Таъкид гардид, ки Солҳои рушди саноат эълон гардидани солҳои 2022-2026 аз ҷониби Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зарурати омода намудани мутахассисони рақобатпазирро барои бахши саноат бештар тақвият медиҳад.
Тазаккур дода шуд, ки дар намоиш намояндагони корхонаю ширкатҳои саноатӣ ва бонкҳо иштирок намуда, ба хатмкунандагон оид ба ҷойи холии кор маълумоти муфассал пешниҳод намуданд.
Дар идомаи чорабинӣ байни корфармоён ва хатмкунандагон саволу ҷавоб доир шуд.
Дар анҷом барои донишҷӯён-хатмкунандагон дарсҳои маҳорат оид ба рушди касбият, таҳияи лоиҳаҳо ва стартапҳо баргузор гардиданд.
АКС: Донишгоҳи технологии Тоҷикистон
Дар Хатлон 37 хатмкунанда соҳиби аттестати аълои универсалӣ ва равиявӣ гардид
«МАКТАБИ ПЕШСАФ — МАКТАБИ ШАРИК». Дар муассисаҳои таълимии вилояти Хатлон таҳти чунин унвон низоми нав амалӣ карда мешавад
Осори Робиаи Балхӣ ба 10 забони хориҷӣ тарҷума карда шуд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
