Дар Душанбе густариши ҳамкории Тоҷикистону Покистон дар соҳаи меҳнат ва касбомӯзӣ баррасӣ гардид
ДУШАНБЕ, 01.05.2026. /АМИТ «Ховар»/. Масъалаи ташкили даврҳои кӯтоҳмуддати касбомӯзӣ барои шаҳрвандони Ҷумҳурии Тоҷикистон дар заминаи муассисаҳои таълимии низоми Вазорати меҳнат, муҳоҷират ва шуғли аҳолии Ҷумҳурии Тоҷикистон бо ҷалби мутахассисони Ҷумҳурии Исломии Покистон дар самтҳои нассоҷӣ, коркарди чарм ва дигар бахшҳои саноатӣ зимни вохӯрии Вазири меҳнат, муҳоҷират ва шуғли аҳолии Ҷумҳурии Тоҷикистон Солеҳа Холмаҳмадзода бо Сафири Фавқулода ва Мухтори Ҷумҳурии Исломии Покистон дар Ҷумҳурии Тоҷикистон Ирфон Аҳмад баррасӣ гардид.
Тавре ба АМИТ «Ховар» аз Вазорати меҳнат, муҳоҷират ва шуғли аҳолии Ҷумҳурии Тоҷикистон хабар доданд, ҷонибҳо дар вохӯрӣ ҷалби сармоягузориро барои таъсиси корхонаҳои хурду миёна дар заминаи Муассисаи давлатии «Маркази рушди ҳунармандӣ ва малакаҳои касбии муосир» ва филиалҳои он дар марказҳои муосири касбомӯзӣ ва хизматрасонӣ муҳим шумориданд.
Иброз гардид, ки фаъолияти Комиссияи байниҳукуматӣ оид ба ҳамкории тиҷоратӣ, иқтисодӣ, илмӣ ва техникӣ ҳамчун яке аз абзори калидии таҳкими муносибатҳои иқтисодӣ арзёбӣ мегардад.
Ёдовар мешавем, ки аввали соли 2026 ҷониби Покистон лоиҳаи Ёддошти тафоҳум оид ба ҳамкорӣ дар соҳаи меҳнатро пешниҳод намудааст. Ин лоиҳа самтҳои муҳими ҳамкорӣ, аз ҷумла мусоидат ба ҷалби қувваҳои корӣ бо назардошти талаботи бозори меҳнати ҳарду давлат, мубодилаи таҷриба, такмили ихтисоси мутахассисон, инчунин ҳамкорӣ дар бахшҳои назорати меҳнат, бехатарӣ ва ҳифзи саломатӣ дар ҷойи корро дар бар мегирад.
Дар анҷоми вохӯрӣ ҷонибҳо барои густариши минбаъда ва таҳкими ҳамкории мутақобили судманд ибрози омодагӣ намуданд.
АКС: Вазорати меҳнат, муҳоҷират ва шуғли аҳолии Ҷумҳурии Тоҷикистон
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
