Дар фурудгоҳҳои Тоҷикистон байни муҳоҷирони меҳнатӣ корҳои фаҳмондадиҳӣ гузаронида мешаванд
ДУШАНБЕ, 18.05.2026 /АМИТ «Ховар»/. Бо мақсади баланд бардоштани сатҳи огоҳии шаҳрвандон вобаста ба муҳоҷирати меҳнатӣ аз ҷониби кормандони Хадамоти муҳоҷирати назди Вазорати меҳнат, муҳоҷират ва шуғли аҳолии Ҷумҳурии Тоҷикистон дар фурудгоҳҳои мамлакат байни муҳоҷирони меҳнатии бозгашта ва шаҳрвандони сафаркунанда корҳои иттилоотию фаҳмондадиҳӣ баргузор мегарданд.
Тавре ба АМИТ «Ховар» аз ин хадамот хабар доданд, дар ҷараёни вохӯриҳо бо шаҳрвандоне, ки аз Федератсияи Русия баргаштаанд, масъалаҳои таъмини онҳо бо ҷойи холии кор дар ширкатҳои ватанӣ, ҷалби онҳо ба касбомӯзӣ ва забономӯзӣ дар муассисаҳои таълимии Вазорати меҳнат, муҳоҷират ва шуғли аҳолии Ҷумҳурии Тоҷикистон баррасӣ мегарданд.
Ҳамчунин ба шаҳрвандоне, ки нияти сафар ба Русия доранд, тавсия дода мешавад, ки пеш аз сафар вазъи худ, аз ҷумла мавҷудияти маҳдудият ё манъи вурудро тавассути сохторҳои дахлдори Хадамоти муҳоҷират санҷида, баъдан чиптаи сафар харанд. Зеро дар ҳолати мавҷуд будани маҳдудият гузаштан аз сарҳади давлатӣ имконнопазир мегардад.
Таъкид шуд, ки муҳоҷирони меҳнатӣ барои фаъолияти қонунӣ дар кишвари қабулкунанда бояд патент, суғуртаи тиббӣ, санҷиши тиббӣ ва ҳуҷҷатҳои зарурии дигарро дар муҳлатҳои муқарраргардида дарёфт намоянд.
Дар ҷараёни вохӯриҳо инчунин оид ба тағйироту иловаҳо дар қонунгузории муҳоҷирати Федератсияи Русия, тартиби бақайдгирӣ, гирифтани патент, супоридани имтиҳонҳои забони русӣ, таърих ва қонунгузорӣ, инчунин талаботи нави будубош маълумоти муфассал дода шуд.
Ба шаҳрвандон иттилоъ дода шуд, ки дар назди Хадамоти муҳоҷирати Тоҷикистон телефони боварии фаврӣ (900-80-08-00) фаъол буда, онҳо метавонанд барои гирифтани машварат ва маълумоти зарурӣ муроҷиат намоянд.
Иттилоъ дода шуд, ки дар айни замон якчанд ширкати Федератсияи Русия омодаанд муҳоҷирони меҳнатии тоҷикро ба таври муташаккилона бо ҷойи кор, шароити зист ва ҳуҷҷатгузории расмӣ таъмин намоянд.
АКС: Хадамоти муҳоҷирати назди Вазорати меҳнат, муҳоҷират ва шуғли аҳолии Ҷумҳурии Тоҷикистон
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
