Дар хоҷагиҳои ноҳияи Абдураҳмони Ҷомӣ беш аз 7 ҳазор килограмм пиллаи хушсифат истеҳсол карда мешавад
ДУШАНБЕ, 05.05.2026. /АМИТ «Ховар»/. Кирмакпарварони ноҳияи Абдураҳмони Ҷомӣ имсол 280 қуттӣ навъи кирмаки чинӣ дастрас намуданд. Мувофиқи меъёри муайяншуда, аз ҳар қуттӣ ба ҳисоби миёна то 26 килограмм пилла истеҳсол карда мешавад. Мувофиқи нақша бояд дар ин мавсим 7280 килограмм пилла ҷамъоварӣ карда шавад. Дар ин хусус ба хабарнигори минтақавии АМИТ «Ховар» аз Мақомоти иҷроияи ҳокимияти давлатии ноҳияи Абдураҳмони Ҷомӣ хабар доданд.
Иттилоъ дода шуд, ки кирмакпарварони ноҳия мақсад доранд, ки аз ҳар қуттӣ кирмак аз 30 то 35 килограмм пилла истеҳсол намуда, дар пешрафти соҳа саҳм гузоранд.
Тавре намояндаи Ҷамъияти саҳомии кушодаи «Пиллаи тоҷик» дар ноҳияи Абдураҳмони Ҷомӣ Раҳим Давлатов изҳор дошт, то имрӯз ба нуқтаи қабули пилла беш аз 1320 килограмм пилла супорида шуда, ҷамъоварии ҳосил идома дорад.
Бо мақсади тақвият ва рушди соҳа дар ноҳия 57 гектар тутзор бунёд карда шудааст. Дар он беш аз 8 ҳазор бех ниҳоли тут шинонида шудааст, ки имрӯзҳо сабзиши хуб доранд.
Яке аз роҳҳои дигари баланд шудани ҳаҷми истеҳсоли пилла истифодаи тухмии хушсифат мебошад. Давоми солҳои охир кирмакпарварон аз навъи тухми чинӣ истифода мебаранд. Ин тухмӣ ба иқлиму шароит созгор буда, дар ҳолати нигоҳубини хуб ва таъмини ғизои саривақтӣ имкон фароҳам меорад, ки сифату ҳосилнокии пилла баланд бардошта шавад.
АКС: АМИТ «Ховар»
Ҳавопаймои нави «Boeing 737-8 MAX»-и «Сомон Эйр» дар Душанбе муаррифӣ гардид
Дар деҳаи Рожи ноҳияи Шуғнон неругоҳи барқи офтобӣ бо иқтидори 3 мегаватт бунёд карда мешавад
Дар минтақаи Кӯлоб дар 204,7 гектар ҷангалзори нав бунёд гардид
Дараи Камароб дорои захираҳои нодири агробиологӣ ва имконияти васеи рушди кишоварзии кӯҳистон аст
ИСТИФОДАИ САМАРАНОКИ ЗАМИН. Дар шаҳри Конибодом кишти такрорӣ идома дорад
Ҷалби сармоя ба соҳаи энергетикаи Тоҷикистон бо намояндагони ширкати «Рокс Групп»-и Ветнам баррасӣ гардид
Оғози хизматрасонии байналмилалии пардохтии Apple Pay дар Тоҷикистон баррасӣ шуд
Корхонаи коркарди партовҳои сахти маишӣ ва истеҳсоли неруи барқ бунёд карда мешавад
Дар минтақаҳои ҳавзаи дарёҳои Қаратоғ ва Зарафшон қариб 95 фоизи захираи барфи мавсимӣ об шудааст
Дар доираи татбиқи 6 созишномаи сармоягузорӣ дар Тоҷикистон беш аз 2 ҳазор ҷойи нави кор таъсис дода мешавад
Ҳаҷми умумии маҳсулоти кишоварзӣ дар вилояти Хатлон беш аз 17 миллиард сомониро ташкил медиҳад
НИШАСТИ МАТБУОТӢ. Дар Файзобод дар шаш моҳ 10,6 миллион сомонӣ ба фаъолияти соҳибкорӣ равона гардидааст
