Дар Конфронси 35-уми минтақавии Созмони озуқаворӣ ва кишоварзии СММ намояндагони беш аз 54 давлат иштирок менамоянд
ДУШАНБЕ, 05.05.2026. /АМИТ «Ховар»/. Тавре қаблан иттилоъ додем, аз 11 то 15 майи соли 2026 дар шаҳри Душанбе Конфронси 35-уми минтақавии Созмони озуқаворӣ ва кишоварзии Созмони Милали Муттаҳид (ФАО) барои Аврупо ва Осиёи Марказӣ баргузор мегардад.
Тавре аз Вазорати кишоварзии Ҷумҳурии Тоҷикистон хабар доданд, ба ҳолати 4 майи соли 2026 барои иштирок дар ин конфронс зиёда аз 550 нафар меҳмонон аз 54 давлати аъзо ва нозир, инчунин 20 ташкилоти байналмилалию минтақавӣ ба таври ҳузурию маҷозӣ сабти ном шудаанд.
Дар конфронси мазкур вазирон, муовинони вазир, сафирон, роҳбарони намояндагиҳо ва ташкилоти байналмилалию минтақавӣ иштирок менамоянд.
Дар доираи конфронс Директори генералии Созмони озуқаворӣ ва кишоварзии Созмони Милали Муттаҳид (ФАО) Чу Донгюй ва 3 муовинаш ба таври расмӣ тасдиқи иштироки худро пешниҳод намуда, барномаи ташриф ба Вазорати корҳои хориҷӣ низ пешниҳод гардидааст.
Ҳадафи асосии Конфронси 35-уми минтақавии Созмони озуқаворӣ ва кишоварзии Созмони Милали Муттаҳид (ФАО) барои Аврупо ва Осиёи Марказӣ фароҳам овардани платформаи расмӣ барои иштирокдорон аз Аврупо ва Осиёи Марказӣ барои муҳокимаи мушкилот, муайян кардани афзалият (рушди устувори озуқаворӣ, рушди деҳот, истифодаи оқилонаи захираҳо) ва андешидани тадбирҳо бобати тағйир додани низомҳои кишоварзӣ ва озуқаворӣ ба хотири ноил шудан ба Ҳадафҳои Рушди Устувор мебошад.
Ташаббусҳои байналмилалии Президенти Ҷумҳурии Тоҷикистон муҳтарам Эмомалӣ Раҳмон дар ду даҳсолаи охир барои баланд бардоштани мавқеи Тоҷикистон дар арсаи ҷаҳонӣ нақши калидӣ бозидаанд. Ин ташаббусҳо, пеш аз ҳама, ба масъалаҳои об, иқлим, рушди устувор ва ҳамкории байналмилалӣ равона гардидаанд.
Имрӯз Тоҷикистон на танҳо иштирокчии чунин чорабиниҳо, балки ташкилкунанда ва ташаббускори онҳо низ мебошад, ки ин нуфузи байналмилалии мамлакатро боз ҳам баланд мебардорад. Ин чорабиниҳо на танҳо барои баррасии масъалаҳои глобалӣ, балки барои таҳкими ҳамкории минтақавӣ ва ҷалби сармоягузорӣ низ замина фароҳам меоранд.
Маҳз натиҷаи сиёсати хирадмандона, ташаббусҳои созанда ва нуфузи баланди байналмилалии Сарвари давлат мебошад, ки Ҷумҳурии Тоҷикистон мизбонии чунин чорабинии сатҳи баландро бо муваффақият ба анҷом мерасонад. Ин иқдоми муҳим бозгӯи эътимоди ҷомеаи ҷаҳонӣ ба сиёсати пешгирифтаи давлати мо ва эътирофи нақши фаъолонаи он дар пешбурди масъалаҳои амнияти озуқаворӣ, рушди устувори кишоварзӣ ва ҳифзи муҳити зист мебошад.
Зарангези ЛАТИФ,
АМИТ «Ховар»
АКС: АМИТ «Ховар»
Ҳайати Тоҷикистон дар Форуми байналмилалии M360 Eurasia 2026 масъалаҳои рушди рақамиро баррасӣ намуд
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
