Дар ноҳияи Ҷайҳун ҷамъоварии ҳосили пиёзи барвақтӣ идома дорад
ДУШАНБЕ, 13.05.2026 /АМИТ «Ховар»/. Дар ноҳияи Ҷайҳуни вилояти Хатлон дар хоҷагии деҳқонии «Саид» ҷамъоварии ҳосили пиёзи барвақтӣ идома дорад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон хабар медиҳад.
Иттилоъ дода шуд, ки ҳосилнокии пиёзи барвақтӣ дар хоҷагӣ то 500 сентнер аз ҳар гектарро ташкил медиҳад, ки нишондиҳандаи хуби истеҳсолӣ ба ҳисоб меравад.
Инчунин хоҷагии деҳқонии «Саид» дар деҳаи Айнии Ҷамоати деҳоти Панҷи ноҳияи Ҷайҳун ҷойгир буда, дар 3 гектар фаъолияти кишоварзӣ ба роҳ мондааст.
Хоҷагӣ аз 5 саҳмгузор иборат аст. Ба иттилои масъулин, заминҳои хоҷагӣ самаранок истифода шуда, дар 1,30 гектар пиёзи барвақтӣ ва дар 1,70 гектар зироати полезӣ кишт карда шудааст.
Раиси вилояти Хатлон зимни суҳбат бо деҳқонон аз истифодаи самараноки замин, риояи агротехникаи кишт ва ба даст овардани ҳосили фаровон изҳори қаноатмандӣ намуд. Гуфта шуд, ки истифодаи оқилонаи замин, афзоиши истеҳсоли маҳсулоти кишоварзӣ ва рушди иқтидори содиротӣ самтҳои муҳими сиёсати аграрии давлат ба ҳисоб мераванд.
АКС: Хадамоти матбуоти Раиси вилояти Хатлон
Боғпарварони ноҳияи Лахш имсол ҳосили фаровони мева мерӯёнанд
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
Тоҷикистон ва Қатар ҳамкорӣ дар самти сармоягузориро тақвият медиҳанд
Ҷаласаи навбатии Комиссияи байниҳукуматии Ҷумҳурии Тоҷикистон ва Федератсияи Русия баргузор гардид
Густариши ҳамкории Тоҷикистон ва Узбекистон дар соҳаи инноватсия ва технологияҳои рақамӣ баррасӣ шуд
Ҳамоишҳои байналмилалӣ дар соҳаи алоқа ҷамъбаст гардиданд
Хуршед Мирзо: «Иқдоми муҳими Тоҷикистон дар соҳаи инноватсия ва технологияҳои рақамӣ бунёди IT HUB DUSHANBE аст»
«Барномаи давлатии рушди маърифат ва фарҳанги экологии аҳолии Ҷумҳурии Тоҷикистон барои солҳои 2026-2030» қабул гардид
Дар Душанбе натиҷаҳои миллии Шарҳи чоруми фаъолияти экологӣ дар Ҷумҳурии Тоҷикистон муаррифӣ шуданд
Дар Давҳа тақвияти ҳамкории Тоҷикистон бо AIIB баррасӣ гардид
