Дар ноҳияи Ҷалолиддини Балхӣ нақшаи истеҳсоли пилла барзиёд иҷро гардид
ДУШАНБЕ, 10.05.2026 /АМИТ «Ховар»/. Кирмакпарварони ноҳияи Ҷалолиддини Балхии вилояти Хатлон нақшаи истеҳсоли пилларо пеш аз муҳлат иҷро намуданд. Дар ин хусус ба АМИТ “Ховар” аз мақомоти иҷроияи ҳокимияти давлатии ноҳия хабар доданд.
Иттилоъ дода шуд, ки бо дастгирии Ҳукумати Ҷумҳурии Тоҷикистон ва дар доираи иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон соҳаи кирмакпарварӣ дар ноҳия рушди назаррас ёфтааст.
Ба ҳолати 9 майи соли равон кирмакпарварони ноҳия аз байни 43 шаҳру ноҳияҳои мамлакат аввалин шуда, нақшаи истеҳсоли пилларо иҷро намуданд ва 22,1 тонна пилла супориданд.
Тибқи қарори Ҳукумати Ҷумҳурии Тоҷикистон аз 1 июни соли 2023, №247 «Дар бораи андешидани тадбирҳои рушди соҳаи пиллапарварӣ», дар ноҳия барои тақсимоти тухми кирмаки зинда, ташкили нуқтаҳои қабул ва дастгирии хоҷагиҳои деҳқонӣ тадбирҳои зарурӣ амалӣ гардиданд.
Соҳибкорон ва пиллапарварони ноҳия бо истифода аз имконияти мавҷуда барои рушди соҳа ва таъмини корхонаҳои саноатӣ бо ашёи хом саҳми арзанда гузоштанд.
Масъулон иброз доштанд, ки кирмакпарварони ноҳия ният доранд то анҷоми мавсим ҳаҷми истеҳсоли пилларо боз ҳам афзоиш диҳанд.
15 июл дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
