Дар ноҳияи Бобоҷон Ғафуров муассисаи томактабӣ бунёд карда мешавад
ДУШАНБЕ, 20.05.2026 /АМИТ «Ховар»/. Бо мақсади рушди инфрасохтори иҷтимоӣ ва беҳтар гардонидани шароити таълиму тарбияи кӯдакон дар шаҳраки Ғафурови ноҳияи Бобоҷон Ғафуров муассисаи томактаби замонавӣ бунёд мегардад, ки барои 320 кӯдак пешбинӣ шудааст. Ҳамзамон сохтмони бинои иловагии кӯдакистони рақами 11 идома дорад. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.
Иттилоъ дода шуд, ки бинои навбунёди Муассисаи таҳсилоти томактабии рақами 1 аз таҳхона ва чор ошёна иборат буда, бо тарҳи муосир ва ҷавобгӯ ба стандартҳои меъёрии бинокорӣ бунёд мегардад. Муассисаи томактабӣ ба талаботи замони муосир ҷавобгӯ буда, дар он барои кӯдакон муҳити муносиб ва шароити хуб фароҳам оварда мешавад. Муассиса бо маблағгузории мақомоти иҷроияи ҳокимияти давлатии ноҳия сохта мешавад.
Дар даврони соҳибистиқлолӣ бо дастгириҳои пайвастаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон соҳаи маориф ба яке аз самтҳои афзалиятноки сиёсати давлатӣ табдил ёфтааст.
Бо афзоиши аҳолӣ дар ноҳия талабот ба муассисаҳои нави таълимӣ, бахусус кӯдакистонҳо бештар гардидааст, аз ҷумла дар вилояти Суғд барои бунёди иншооти нави соҳаи маориф корҳои назаррас амалӣ мегарданд.
Ҳамзамон дар деҳоти Унҷӣ сохтмон дар бинои иловагии кӯдакистони рақами 11 идома дорад. Иншооти нав барои 300 кӯдак пешбинӣ шуда, бо ташаббуси Мақомоти иҷроияи ҳокимияти давлатии вилояти Суғд сохта мешавад.
Дар шаҳру ноҳияҳо ва дурдасттарин деҳоти вилоят кӯдакистонҳои муосир сохта шуда, дар онҳо барои таълиму тарбияи насли наврас шароити арзанда муҳайё мегардад.
АКС: Хадамоти матбуоти Раиси вилояти Суғд
Аз 11550 хатмкунандаи муассисаҳои таҳсилоти ибтидоии касбӣ 8488 нафар бо ҷойи кори доимӣ таъмин шуданд
Хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Дар Донишгоҳи миллии Тоҷикистон доир ба пажуҳиши илмӣ ва усулҳои ба роҳ мондани он ҳамоиш доир шуд
Академияи идоракунии давлатии Тоҷикистон бо Ҷамъияти ҳуқуқшиносони Шанхай ҳамкориро тақвият медиҳад
Дар Панҷакент иншооти иҷтимоӣ ва хизматрасонӣ ифтитоҳ гардиданд
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
