Дар ноҳияи Ёвон Дави миллӣ ва марафони велосипедронӣ баргузор шуд
ДУШАНБЕ, 17.05.2026 /АМИТ «Ховар»/. Дар ноҳияи Ёвон бахшида ба Рӯзи ҷавонони Тоҷикистон Дави миллӣ ва марафони велосипедронӣ бо иштироки зиёда аз 7500 нафар баргузор гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ёвон хабар доданд.
Зимни суханронӣ дар ифтитоҳи мусобиқа Раиси ноҳияи Ёвон Икромиддин Вализода иброз дошт, ки ҷавонон неруи пешбарандаи ҷомеа буда, тарғиби тарзи ҳаёти солим ва рушди варзиш аз самтҳои муҳими сиёсати давлатии ҷавонон ба ҳисоб меравад.
Таъкид гардид, ки ҳамасола баргузории чунин чорабиниҳои оммавии варзишӣ барои таҳкими дӯстиву ҳамдигарфаҳмӣ, баланд бардоштани ҳисси ватандӯстӣ ва ҷалби ҷавонон ба варзиш мусоидат менамояд.
Гуфта шуд, ки имрӯз дар мамлакат бо дастгирии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон барои рушди соҳаи варзиш ва фароҳам овардани шароити мусоид ба ҷавонон тадбирҳои назаррас амалӣ карда мешаванд.
Дар анҷом ғолибону фаъолон бо Сипоснома, медал ва туҳфаҳои хотиравӣ қадрдонӣ карда шуданд.
АКС: Мақомоти иҷроияи ҳокимияти давлатии ноҳияи Ёвон
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
