Дар шаҳри Кӯлоб дар пайи бориши пай дар пай сел омада, ба хонаҳои сокинон хисорот расид
ДУШАНБЕ, 02.05.2026 /АМИТ «Ховар»/. Дар шаҳри Кӯлоб дар пайи бориши пай дар пай шоми 1 май сел омада, ба хонаҳои сокинон хисорот расидааст. Дар натиҷа баъзе роҳҳо ва иншооту хонаҳои сокинони маҳаллаҳои шаҳр зери об монданд.
Тавре аз Мақомоти иҷроияи ҳокимияти давлатии шаҳри Кӯлоб ба хабарнигори минтақавии АМИТ «Ховар» иттилоъ доданд, ин вазъият ҳаракати нақлиёт ва одамонро душвор ва дар бархе ҷойҳо ғайриимкон намуд. Имрӯз, 2 май вазъи ҳаво дар шаҳри Кӯлоб муътадил арзёбӣ гардида, боридани борон ба назар намерасад ва сатҳи ҷараёни сел низ коҳиш ёфтааст. Сел асосан ба кӯчаи Хати роҳ ва кӯчаи Корвонгузар осеб расонида, ҳоло зарари он муайян нагардидааст. Барои бартараф кардани офати табиӣ Мақомоти иҷроияи ҳокимияти давлатии шаҳри Кӯлоб тадбирҳои зарурӣ андешида, масъулони бахши ҳолатҳои фавқулода ва мудофиаи граждании шаҳри Кӯлоб ва Муассисаи нигаҳдории роҳҳои автомобилгардро дар ин самт вазифадор намудаанд.
Ҳоло корҳои тоза кардани новаҳои бетонӣ ва роҳҳо аз ҷониби масъулон идома дошта, кӯшиш доранд, ки зарари аз офат расидаро сари вақт бартараф созанд. Обуҳавошиносон қаблан ҳушдор дода буданд, ки дар Тоҷикистон то 4 май боронҳои шадид ва омадани селҳои дорои хусусияти маҳаллӣ пешбинӣ карда мешаванд.
АКС: АМИТ «Ховар»
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
