Дар Суғд неругоҳи барқи офтобӣ бо иқтидори умумии 500 МВт сохта мешавад

ДУШАНБЕ, 10.05.2026 /АМИТ «Ховар»/. Дар вилояти Суғд неругоҳи барқи офтобӣ бо иқтидори умумии 500 МВ сохта мешавад, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.

Масъалаи мазкур 8 май дар мулоқоти ҳайати Ҷумҳурии Тоҷикистон таҳти роҳбарии Вазири энергетика ва захираҳои оби Ҷумҳурии Тоҷикистон Далер Ҷумъа бо муовини президенти ширкати «Wuhan Building Material Industry Design & Research Institute Co Ltd.» Зуо Даёнг дар шаҳри Пекини Ҷумҳурии Мардумии Чин баррасӣ шуд.

Ҷонибҳо масъалаи ба роҳ мондани ҳамкорӣ байни ширкати «Wuhan Building Material Industry Design & Reserch Institute Co Ltd.» ва ҶДММ «Аён Энерҷӣ»-ро дар самти бунёди неругоҳи барқи офтобӣ бо иқтидори умумии 500 МВт дар ҳудуди вилояти Суғд мавриди баррасӣ қарор доданд.

Таъкид гардид, ки татбиқи чунин лоиҳаҳо барои таҳкими иқтидори энергетикии Тоҷикистон, афзоиши истеҳсоли энергияи «сабз» ва ҷалби сармоягузории хориҷӣ аҳамияти муҳим дорад.

АКС: Вазорати энергетика ва захираҳои оби Ҷумҳурии Тоҷикисто