Дар Тоҷикистон мактаби технологияҳои рақамӣ бо тарҳ ва усулҳои муосир таъсис дода мешавад
ДУШАНБЕ, 21.05.2026 /АМИТ «Ховар»/. Дар шаҳри Душанбе бахшида ба ҷашни 35-солагии Истиқлоли давлатии Ҷумҳурии Тоҷикистон бо ташаббуси Агентии инноватсия ва технологияҳои рақамӣ дар ҳамкорӣ бо Хадамоти алоқаи назди Ҳукумати Ҷумҳурии Тоҷикистон ва Сберобразование мактаби технологияҳои рақамии «Школа 21» таъсис дода мешавад. Дар ин хусус АМИТ «Ховар» бо истинод ба Агентии инноватсия ва технологияҳои рақамии назди Президенти Ҷумҳурии Тоҷикистон иттилоъ медиҳад.
Дар мактаби мазкур шаҳрвандони аз 18-сола боло метавонанд ба таври ройгон касбҳои муосири соҳаи технологияҳои иттилоотиро омӯзанд ва дар оянда ҳамчун муҳандисони рақамӣ фаъолият намоянд.
Мактаб дар бинои маркази тиҷоратии Хадамоти алоқа, воқеъ дар шаҳри Душанбе, хиёбони Рӯдакӣ 57 ҷойгир буда, барои 200 ҷойи таҳсил пешбинӣ шудааст. Таҳсил ба таври шабонарӯзӣ ба роҳ монда шуда, иштирокчиён метавонанд дар вақти барояшон мувофиқ омӯзиш гиранд. Барномаи таълимӣ тавассути платформаи рақамии байналмилалӣ амалӣ гардида, муҳтавои он мутобиқ ба талаботи бозори меҳнат пайваста такмил дода мешавад.
Давраи асосии таҳсил вобаста ба самт ва суръати омӯзиш аз 9 моҳ то 2 сол идома меёбад. Дар мактаб усули муосири «ҳамсол ба ҳамсол» истифода мешавад, ки дар доираи он донишҷӯён таҷриба ва донишҳои худро мубодила намуда, лоиҳаҳои инфиродӣ ва гурӯҳиро амалӣ менамоянд.
Дар маҷмӯъ, барои омӯзиши технологияҳои рақамӣ 20 самти таълим пешниҳод мегардад.
АКС: Агентии инноватсия ва технологияҳои рақамии назди Президенти Ҷумҳурии Тоҷикистон
ИСТИФОДАИ САМАРАНОКИ ЗАМИН. Дар хоҷагиҳои деҳқонии ноҳияи Хуросон кишти зироат идома дорад
«Амонатбонк» иқдоми «Файзи Истиқлол-35»-ро пешниҳод намуд
Дар Душанбе «Барномаи рушди маъмурикунонии андоз барои солҳои 2026-2030» муаррифӣ гардид
Малакаҳои рақамӣ заминаи рушди иқтисоди рақобатпазири Тоҷикистон мебошанд
Тоҷикистон ва Хазинаи байналмилалии асъор ҳамкориро дар самти рушди иқтидори захираҳои инсонӣ густариш медиҳанд
Дар Тоҷикистон нақшаи кишти такрорӣ 96 фоиз иҷро гардид
Дар Тоҷикистон беш аз 300 ҳазор тонна пиёз ҷамъоварӣ карда шудааст
ҶДММ «Ганҷи Панҷ» дар як сол имкони қабул ва коркарди то 20 ҳазор тонна пахтаро дорад
Ҳавопаймои нави «Boeing 737-8 MAX»-и «Сомон Эйр» дар Душанбе муаррифӣ гардид
Дар деҳаи Рожи ноҳияи Шуғнон неругоҳи барқи офтобӣ бо иқтидори 3 мегаватт бунёд карда мешавад
Дар минтақаи Кӯлоб дар 204,7 гектар ҷангалзори нав бунёд гардид
Дараи Камароб дорои захираҳои нодири агробиологӣ ва имконияти васеи рушди кишоварзии кӯҳистон аст
