Донишҷӯи Донишгоҳи байналмилалии забонҳои хориҷии Тоҷикистон дар Озмуни байналмилалии «Пули чинӣ» соҳиби ҷойи якум шуд
ДУШАНБЕ, 15.05.2026 /АМИТ «Ховар»/. 14 май дар Донишгоҳи славянии Русияву Тоҷикистон Озмуни 25-уми байналмилалии «Пули чинӣ» баргузор гардид. Дар даври ниҳоии озмун донишҷӯи курси сеюми факултети омӯзгории забонҳои Шарқи Донишгоҳи байналмилалии забонҳои хориҷии Тоҷикистон ба номи Сотим Улуғзода Аминҷон Шаропов сазовори ҷойи якум шуд. Дар ин хусус ба АМИТ «Ховар» аз ин донишгоҳ хабар доданд.
Озмуни байналмилалии «Пули чинӣ» ҳамасола бо ташаббуси Сафорати Ҷумҳурии Мардумии Чин дар Ҷумҳурии Тоҷикистон ва Маркази Конфутсийи назди Донишгоҳи миллии Тоҷикистон баргузор мегардад. Он яке аз бонуфузтарин майдонҳои озмоиши дониш, маҳорати забондонӣ ва муаррифии фарҳанги чинӣ ба шумор меравад. Озмун байни донишҷӯёни муассисаҳои таҳсилоти олии мамлакат гузаронида мешавад.
Иттилоъ дода шуд, ки Донишгоҳи байналмилалии забонҳои хориҷии Тоҷикистон ба номи Сотим Улуғзода ҳоло бо 12 донишгоҳи Ҷумҳурии Мардумии Чин ҳамкории мустақим дорад. Танҳо дар панҷ соли охир 31 донишҷӯи донишгоҳ барои таҳсил ба донишгоҳҳои бонуфузи Чин равона гардидаанд.
Дар солҳои соҳибистиқлолии мамлакат беш аз 10 ҳазор шаҳрвандони Тоҷикистон муассисаҳои таҳсилоти олии Ҷумҳурии Мардумии Чинро хатм намудаанд. Ин нишондиҳанда бозгӯи густариши ҳамкории илмию таълимии ду давлат мебошад.
АКС: Донишгоҳи байналмилалии забонҳои хориҷии Тоҷикистон
Дар Хатлон 37 хатмкунанда соҳиби аттестати аълои универсалӣ ва равиявӣ гардид
«МАКТАБИ ПЕШСАФ — МАКТАБИ ШАРИК». Дар муассисаҳои таълимии вилояти Хатлон таҳти чунин унвон низоми нав амалӣ карда мешавад
Осори Робиаи Балхӣ ба 10 забони хориҷӣ тарҷума карда шуд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
