«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
ДУШАНБЕ, 16.05.2026 /АМИТ «Ховар»/. Дар ноҳияи Данғара бахшида ба Рӯзи байналмилалии оила дар муассисаҳои тандурустӣ таҳти унвони «Фарзанд-идомадиҳандаи оила» иқдоми маърифатӣ доир гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Данғара хабар доданд.
Ҳадаф аз баргузории иқдоми маърифатӣ арҷгузорӣ ба арзишҳои оиладорӣ, баланд бардоштани масъулияти падару модарон дар тарбияи фарзандон ва дастгирии оилаҳои ҷавон арзёбӣ гардид.
Дар ҷараёни иқдом ба тифлони навзод ва волидони онҳо шаҳодатномаҳои таваллуд ва туҳфаҳои хотиравӣ тақдим карда шуд. Иброз гардид, ки фарзанд неъмати бебаҳои зиндагӣ ва идомадиҳандаи оилаю ҷомеа ба шумор меравад. Аз ин рӯ, тарбияи фарзандони солим, соҳибмаърифат, ватандӯст ва дорои ахлоқи ҳамида вазифаи аввалиндараҷаи падару модарон ва тамоми ҷомеа мебошад.
Ҳукумати Ҷумҳурии Тоҷикистон ба масъалаи ҳифзи оила, модару кӯдак ва дастгирии иҷтимоии оилаҳои ҷавон таваҷҷуҳи махсус зоҳир намуда, дар ин самт барномаҳои давлатӣ ва тадбирҳои зиёдро амалӣ менамояд. Беҳтар намудани шароити зиндагии оилаҳо, рушди хизматрасониҳои тиббӣ, инчунин баланд бардоштани сатҳи маърифати ҳуқуқӣ ва иҷтимоии шаҳрвандон аз самтҳои муҳими сиёсати давлатӣ ба ҳисоб меравад.
Дар фарҷом таъкид гардид, ки баргузории чунин иқдоми маърифатӣ ба таҳкими пояҳои оила, баланд бардоштани масъулияти волидайн дар тарбияи фарзандон ва рушди ҷомеаи солим мусоидат мекунад.
АКС: Мақомоти иҷроияи ҳокимияти давлатии ноҳияи Данғара
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
