Идомаи Конфронси байналмилалии Душанбе: таваҷҷуҳ ба масъалаҳои об ва иқлим

Май 26, 2026 15:38

ДУШАНБЕ, 26.05.2026. /АМИТ «Ховар»/. Қисмати дуюми Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028»  таҳти раёсати Сарвазири Ҷумҳурии Тоҷикистон Қоҳир Расулзода ҷараён гирифта, оид ба барномаи Конфронси 4-уми байнамиллалии сатҳи баланд, пайвасти натиҷаҳои Конфронси оби СММ дар соли 2023 ба Конфронси 4-уми байналмиллалии сатҳи баланди соли 2026 ибрози назар карда шуд.

Дар ин замина ҳамбастагии Конфронси оби СММ 2023 ва Раванди оби Душанбе, аз ҷумла таъмини идомаи муҳокимаҳои Конфронси оби СММ 2023 дар Раванди оби Душанбе дар чаҳорчӯби Конфронси 4-уми байналмиллалии Душанбе оид ба Даҳсолаи амал баррасӣ гардида, вобаста ба андешидани тадбирҳои муассир дар заминаи талошҳои ҷомеаи ҷаҳонӣ пешниҳодҳои мушаххас карда шуд.

Дар идома таъкид шуд, ки тадбирҳои муштараки ҳамоҳангсозӣ ва тақвиятдиҳандаи робитаҳои судманд дар самти ҳалли мушкилоти марбут ба об тақозои замон буда, дар раванди дигаргуниҳои табиӣ ва зарурати дастраси ба оби ошомиданӣ бо ҳамовозӣ бояд сурат гирад.

Дар ин замина Ҷумҳурии Тоҷикистон дар самти ҳалли мушкилоти марбут ба об ва бозгуии оқибатҳои раванди дигаргуниҳои иқлимӣ пешоҳангӣ нишон дода, аз рӯи пешниҳодҳои мушаххас консепсия ва нақшаҳои амалро муаррифӣ намудааст, ки бо ҷонибдории ҷомеаи ҷаҳонӣ, хосса қатъномаҳои Созмони Милали Муттаҳид бо мақсади таъмини сатҳи баланди  некуаҳволии сокинони сайёра роҳандозӣ мешаванд.

Изҳор гардид, ки омӯзиши масоили марбут ба рушд, натиҷагирӣ аз раванди татбиқи барнома ва муқаррароти амал, бо роҳи муайян намудани дурнамои самараноки фаъолият дар давраи наздик бояд натиҷа диҳад. Зеро ҳамоҳангиҳо дар робита ба баррасии мушкилоти сайёра дар робита ба эҳтиёҷот ба об ва омӯзиши пешниҳодоти расмии коршиносони байналмиллалӣ роҳҳои коҳиш додани дигаргуниҳои табиӣ, аз ҷумла дастрасиро ба оби ошомиданӣ мушаххас менамояд.

Бо дар назардошти тақвияти минбаъдаи ҳамкориҳо ва татбиқи назарраси тавофуқоти то ба ин дам ҳосилгардида барои пешбурд, тасмимҳои хос гирифта мешеванд, ки аз рӯи он фаъолияти бозҳам таҳким бахшида мешавад.

Дар идома сиёсатмадорон, коршиносони байналмилаливу соҳавӣ ва гӯяндагони созмону ташкилотҳои бонуфуз: — иштирокчиёни Конфронси 4-уми байналмилалии сатҳи баланд оид ба Даҳсолаи байналмилалии амал об барои рушди устувор бо ёдрасии ташаббусҳои назарраси Ҷумҳурии Тоҷикистон дар самти обу иқлим, мавзуъҳои марбутро дақиқ матраҳ карда, ҷараёни тадбирҳои то ин дам андешидашудаи илмиву тадқиқотиро муаррифӣ ва баҳогузорӣ намуданд.

 

АКС: АМИТ «Ховар»

Май 26, 2026 15:38

Хабарҳои дигари ин бахш

Дар Екатеринбург бахшида ба санаҳои муҳими давлатӣ ва таърихии Тоҷикистон чорабинии тантанавӣ баргузор шуд
Дипломатияи обии Тоҷикистон: афзалияти миллӣ, ҳамкории минтақавӣ ва аҳаммияти ҷаҳонӣ
Дар Женева Конфронси байналмилалии илмӣ бахшида ба мероси илмии Абуалӣ ибни Сино баргузор гардид
Ҳамкории Тоҷикистону ИМА дар самтҳои мубориза бар зидди терроризму ифротгароӣ баррасӣ гардид
Сафири Тоҷикистон дар брифинг доир ба раванди омодагӣ ба «Саммити ҷаҳонии ҳукуматҳо-2027» дар Дубай иштирок намуд
COP31. Ҳайати Тоҷикистон дар ифтитоҳи Павилиони «Об барои иқлим» иштирок намуд
Сафири Тоҷикистон бо Вазири тиҷорат, саноат ва пешбурди сармоягузории Умон мулоқот намуд
Ҳамкории Тоҷикистону Кувайт дар бахши сармоягузорӣ баррасӣ гардид
Намояндаи Тоҷикистон дар ҷаласаи UNECE доир ба иқтисоди даврӣ иштирок намуд
Сафири Тоҷикистон бо устондори Муборак Ал-Кабири Кувайт вохӯрӣ намуд
Ташаббусҳои байналмилалии Тоҷикистон дар соҳаи обу иқлим дар Донишкадаи таҳсилоти обии Делфт муаррифӣ гардиданд
Рӯзи Президенти Ҷумҳурии Тоҷикистон, Конститутсия ва Парчами давлатӣ дар шаҳри Боку таҷлил карда шуд