Имсол кирмакпарварони ноҳияи Хуросон беш аз 10 ҳазор килограмм пилла месупоранд
ДУШАНБЕ, 18.05.2026 /АМИТ «Ховар»/. Дар ноҳияи Хуросон ҷамъоварии пилла идома дошта, то имрӯз ба корхонаҳои қабул беш аз 7500 килограмм пилла супорида шудааст. Дар ин хусус ба хабарнигори АМИТ «Ховар» намояндаи «Пиллаи тоҷик» дар ин ноҳия Сулаймонқул Раҳмонқулов хабар дод.
Иттилоъ дода шуд, ки соли равон ба кирмакпарварони ноҳия 400 қуттӣ кирмаки навъи чинӣ тақсим карда шуд. Тибқи нақша бояд 10 ҳазору 400 тонна пилла супорида шавад. Дар айни замон дар 282 парваришгоҳи хоҷагиҳои деҳқонӣ кирмак нигоҳубин карда мешавад.
Аз 23 гектар тутзор барои кирмак ғизо ҷамъоварӣ карда мешавад. Ҳамзамон бо мақсади зиёд намудани захираи ғизои кирмак имсол 6 ҳазор бех ниҳоли тут шинонида шудааст.
Ба иттилои масъулин, аз оғози мавсими парвариш то ҷамъоварии пилла барои ҳар қуттии кирмак аз 700 то 900 килограмм барги тут истифода мешавад. Инчунин барои парвариши як қуттӣ то 60 метри мураббаъ ҷойи махсус зарур аст. Риояи ин меъёрҳо имкон медиҳад, ки аз ҳар қуттӣ аз 35 то 70 килограмм пилла ҷамъоварӣ карда шавад.
Дар ноҳия кирмакпарварони соҳибтаҷрибае фаъолият доранд, ки метавонанд аз як қуттӣ то 78 килограмм пилла ба даст оранд.
Масъулин таъкид менамоянд, ки барои ба даст овардани ҳосили босифат риояи қоидаҳои нигоҳубини кирмак хеле муҳим мебошад. Барги тару тозаи тут бояд сари вақт ба кирмак дода шавад, зеро барги сахтшуда метавонад ба нашъунамои кирмак таъсири манфӣ расонад.
АКС: АМИТ «Ховар»
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
