ИСТИФОДАИ САМАРАНОКИ ЗАМИН. Дар хоҷагиҳои деҳқонии ноҳияи Спитамен кишти зироат идома дорад

ДУШАНБЕ, 03.05.2026 /АМИТ «Ховар»/.  Дар робита ба дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон оид ба самаранок истифода бурдани замин дар  ноҳияи Спитамени вилояти Суғд корҳои назаррас анҷом дода мешаванд.

Тавре ба АМИТ «Ховар» аз хадамоти матбуоти Раиси вилояти Суғд хабар доданд, бо ин мақсад дар хоҷагии деҳқонии «Мирзо Анвар»-и ноҳия  дар 4,68 гектар кишти зироат ба роҳ монда шудааст. Аз ҷумла, дар 2,78 гектар картошка, дар 1,2 гектар гандум, инчунин дар қитъаҳои гуногун помидор, қаламфур, сабзӣ ва беда парвариш меёбанд.

Ҳамзамон дар хоҷагии деҳқонии «Баландқӯрғон»-и ноҳия дар 45 гектар зироат кишт шудааст, ки 35 гектари онро кишти чигит ташкил медиҳад. Хоҷагидорон бо истифода аз таҷрибаҳои пешқадам дар 7 гектар пунбадона бо усули зериплёнка кишт кардаанд. Илова бар ин, картошка, қаламфур, макка, гандум ва беда низ парвариш карда мешавад.

Бояд иброз намуд, ки истифодаи оқилонаи замин ва баланд бардоштани ҳосилнокӣ ба афзоиши истеҳсоли маҳсулоти кишоварзӣ ва таъмини амнияти озуқаворӣ мусоидат мекунад.

АКС: Хадамоти матбуоти Раиси вилояти Суғд