ИСТИФОДАИ САМАРАНОКИ ЗАМИН. Сокини Ҷамоати деҳоти Ҳилолии ноҳияи Хуросон аз гармхонааш то се ҳосил мегирад
ДУШАНБЕ, 27.05.2026 /АМИТ «Ховар»/. Бо мақсади истифодаи самараноки замин сокини Ҷамоати деҳоти Ҳилолии ноҳияи Хуросон Маҳмадюсуф Олимов дар замини наздиҳавлигӣ, ки 8 садякро ташкил медиҳад, гармхонаи доимамалкунанда бунёд намуд.
Дар гармхона бодиринг парвариш карда шуда, барои баланд бардоштани ҳосилнокии маҳсулот аз роҳу усулҳо ва таҷрибаи пешқадам, аз ҷумла обёрии қатрагӣ истифода мебарад. Ниҳолони бодиринг моҳи феврал ба гармхона кӯчонида шуда, ҷамъоварии ҳосил аз моҳи апрел шуруъ гардида, то моҳи июн идома меёбад.
То ба имрӯз беш аз як тонна бодиринги тару тоза ба бозорҳои истеъмолӣ бароварда шудааст. Номбурда иброз намуд, ки пас аз ҳар чиниши бодиринг баргҳои атрофи танаи он низ тоза карда мешаванд. Зеро ин баргҳо қувватнокиро кам менамоянд, ки дар натиҷа ҳосилнокӣ ва сифати маҳсулот низ метавонад паст гардад. Пас аз анҷоми ҳосилғундорӣ Муҳаммадюсуф Олимов ният дорад, ки дар кишти такрорӣ барои давраи тирамоҳ боз ҳам бодиринг парвариш кунад.
Дар идомаи суҳбат кишоварзи таҷрибадор афзуд, ки дар ин гармхона кӯшиш мекунад то се ҳосил ба даст орад. Дар ин кор ба ӯ аҳли хонавода кумак мерасонанд. Зеро онҳо хуб дарк менамоянд, ки истифодаи самараноки замин яке аз омилҳои таъмини рӯзгори хубу шоиста ва ҳамзамон саҳм гузоштан дар фаровонии маҳсулоти хушсифати ватанӣ дар бозорҳои истеъмолии мамлакат мебошад.
АКС: АМИТ «Ховар»
Дар Рашт оид ба тарбияи ҷавонон ҳамчун воситаи муҳим дар муқовимат ба коррупсия машғулият доир гардид
Имрӯз дар баъзе минтақаҳои Тоҷикистон борони кӯтоҳмуддати хусусияти селӣ дошта пешгӯӣ мешавад
ТАҚВИМИ АМИТ «ХОВАР»: имрӯз 27 май, чоршанбе, 147-умин рӯзи соли 2026 аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
