Кишоварзони ноҳияи Абдураҳмони Ҷомӣ дар 8100 гектар пунбадона кишт намуданд
ДУШАНБЕ, 30.05.2026 /АМИТ «Ховар»/. Кишоварзони ноҳияи Абдураҳмони Ҷомӣ имсол дар 8100 гектар пунбадона кишт намудаанд. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Абдураҳмони Ҷомӣ хабар доданд.
Кишоварзони ноҳия дар соли таърихӣ — ҷашни 35-солагии Истиқлоли давлатии Ҷумҳурии Тоҷикистон ният доранд, ки дурнамои истеҳсоли пахтаро сарбаландона таъмин намоянд.
Имрӯзҳо тавассути меҳнати садоқатмандона, истифодаи дурусти замину об, риояи қоидаҳои агротехникӣ нашъунамои ниҳолҳо хуб ба роҳ монда шудааст.
Дар раванди кишту парвариши зироат деҳқонон ба риояи қоидаҳои агротехникӣ, истифодаи тухмиҳои серҳосил, нуриҳои минералӣ ва таҷрибаи пешқадами хоҷагидорӣ таваҷҷуҳи махсус зоҳир намудаанд. Ин омилҳо ба дастовардҳои назарраси истеҳсолӣ мусоидат мекунанд.
Густариши кишти зироати кишоварзӣ, аз ҷумла пунбадона, картошка ва сабзавоту полезиҳо дар ноҳия ба таъмини бозорҳои истеъмолӣ, баланд бардоштани сатҳи даромади хоҷагиҳо ва рушди соҳаи кишоварзии минтақа равона гардидааст.
АКС: Мақомоти иҷроияи ҳокимияти давлатии ноҳияи Абдураҳмони Ҷомӣ
Имрӯз дар шаҳри Душанбе ҳаво то 23 дараҷа гарм мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
