МАСЛИҲАТИ МУТАХАССИС. Истеъмоли пудина барои партофтани вазни зиёдатӣ кумак мерасонад

Май 2, 2026 18:00

ДУШАНБЕ, 02.05.2026. /АМИТ «Ховар»/. Дар фасли баҳор ҳамасола дар бозорҳои Тоҷикистон сабзаю алафҳои тару тозаи шифобахш ба фурӯш бароварда мешаванд. Пудина, шибит, сиёҳалаф, ҷағ-ҷағ, исфанох, қоқу, кашнизу райҳон ва пиёзи сабз аз навъҳое мебошанд, ки дар шакли тару тоза ва хушк истеъмол намудани онҳо барои бартараф намудани баъзе бемориҳо истифода мешавад. Пудиначой ба системаи асаб таъсири мусбат мерасонад, сатҳи энергияро афзоиш медиҳад ва хоби рӯзонаро пешгирӣ менамояд. Инчунин барои партофтани вазни зиёдатӣ кумак мерасонад.

Пудина яке аз алафҳои бисёрсолае мебошад, ки барои хосиятҳои хушбӯияш парвариш карда мешавад. Баргҳои пудинаро дар пухтупаз, чой ва атриёт истифода мебаранд. Ин гиёҳ аз антиоксидантҳо бой аст ва ба таври анъанавӣ барои хосиятҳои шифобахши худ истифода мешавад. Инчунин пудина барои таъми тароватбахшаш дар маҳсулоти нигоҳубини даҳон, аз қабили хамираи дандоншӯйӣ ва даҳоншӯйӣ истифода мешавад. Равғани эфирии пудина барои доштани бӯи руҳбахш дар атрҳо, шамъҳо ва маҳсулоти нигоҳубини пӯст истифода мешавад.

Пудина барои саломатӣ муфид буда, дамиши шикам ва ихтилоли ҳозимаро пешгирӣ намуда, дард ва рагкаширо таскин мебахшад. Пас аз 4 ҳафтаи истеъмоли пудиначой нишонаҳои бемориҳои узвҳои ҳозима тақрибан 40 фоиз коҳиш меёбанд. Ҳамчунин капсулаҳои пудинагӣ дар онҳое, ки аз химиотерапия мегузаранд, дилбеҳузуриро пешгирӣ менамоянд.

Азбаски пудина мушакҳоро суст ва шиддатро рафъ менамояд, он метавонад дар мубориза бо баъзе намудҳои дарди сар кумак расонад. Равғани пудинаро ба ду чаккаи сар молидан беҳтар аст. Ба нафароне, ки аз фишори хун азият мекашанд, нӯшидани чойи пудинагӣ тавсия дода мешавад.

Чойи пудинагӣ метавонад иштиҳоро каме коҳиш диҳад, ки ин дар мубориза бар зидди вазни зиёдатӣ муҳим аст. Ба онҳое, ки диққатнокияшон заиф аст, пудиначой ёрӣ мерасонад.

Мутахассисони соҳаи тиб тавсия медиҳанд, ки пудинаро бо мавиз якҷоя кӯфта, ба захмҳо гузошта банданд, варам ва дарди баданро  даво мебахшад. Ҳар рӯз ду қошуқ равғани бодоми талх ё мағзи донаи бодоми талхро бо пудина бихӯранд, дарди гурдаро рафъ менамояд. Инчунин хӯрдани пудина дарди дандонро таскин мебахшад.

АКС аз манбаъҳои боз

Май 2, 2026 18:00

Хабарҳои дигари ин бахш

Зеҳни сунъӣ ба яке аз технологияҳои серталабтарини асри рақамӣ аз лиҳози истеъмоли неруи барқ табдил меёбад
Ҳикматулло Назиров: «Ниҳолшинонӣ бояд аз рӯи қоидаҳои боғдорӣ амалӣ гардад»
ТАВСИЯИ МУТАХАССИС. Дар мавриди фоидаи ғизо ва нӯшокиҳо барои саломатӣ дар фасли зимистон
ИҶЛОСИЯИ XVI – ЗАМИНАИ ТАЪРИХИИ ТАҲКИМИ ДАВЛАТДОРӢ, ҚОНУНИЯТ ВА АДОЛАТИ СУДӢ. Андешаҳо дар ин маврид
Иҷлосияи XVI Шурои Олии Тоҷикистон марҳалаи муҳими ташаккули модели сулҳофарии тоҷикон ба ҳисоб меравад
Дар Тоҷикистон Барномаи савдои электронӣ ба бахши муҳими иқтисодиёт табдил ёфтааст
РӮЗИ ПРЕЗИДЕНТ — РАМЗИ ДАВЛАТДОРИИ УСТУВОР. Андешаҳо оид ба арҷгузорӣ ба хизматҳои таърихии Пешвои миллат
АЗ НАСБИ ПАНЕЛҲОИ ОФТОБӢ ТО ЗАХИРАИ СӮЗИШВОРӢ. Муассисаҳои тандурустии Тоҷикистон ба зимистони солҳои 2026–2027 омода мебошанд
АЗ ДАРТМУТ ТО ДУШАНБЕ. Зеҳни сунъӣ нисбат ба қоидаҳое, ки истифодаи онро танзим менамоянд, ба маротиб тезтар рушд мекунад
ҲАМНАФАСИ МАРДУМ, ҲАМҚАДАМИ ТАЪРИХ. Андешае дар ҳошияи Рӯзи Президенти Ҷумҳурии Тоҷикистон
ПЕШВОИ МИЛЛАТ ВА ТАҲКИМИ ПОЯҲОИ РУШДИ ИҚТИСОДИИ ТОҶИКИСТОН. Дар ҳошияи таҷлили Рӯзи Президент
ЗЕҲНИ СУНЪӢ — ИМКОНИЯТ, МАСЪУЛИЯТ ВА ОЯНДАИ ИНСОН. Он ба ҷузъи муҳими ҳаёти инсон табдил ёфтааст