Масоили тавсеа ва рушди муносибатҳои мутақобили судманд байни Тоҷикистону Австрия баррасӣ шуд
ДУШАНБЕ, 01.05.2026 /АМИТ «Ховар»/. Масъалаҳои тавсеа ва рушди муносибатҳои мутақобили судманд байни Тоҷикистону Австрия дар суҳбати телефонии Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири федеролии корҳои аврупоӣ ва байналмилалии Ҷумҳурии Австрия Беате Майнл-Райзингер баррасӣ гардад.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, зимни гуфтугӯ вазирон масъалаҳои тавсеа ва рушди муносибатҳои мутақобили судманд байни Тоҷикистону Австрия дар соҳаҳои мавриди эҳтимоми тарафайн, ҳамкорӣ дар чаҳорчӯби созмонҳои байналмилалӣ, инчунин вазъи кунунии минтақаро баррасӣ карданд.
Ҷонибҳо вобаста ба таҳкими равобити иқтисодӣ-тиҷоратӣ ва сармоягузорӣ бо истифодаи зарфияти фаровон ба мувофиқа расида, иштироки фаъоли ширкатҳои машҳури австриягӣ, ба монанди «Фойт Ҳайдро» ва «Андритс Ҳайдро» дар татбиқи лоиҳаҳои муҳими гидроэнергетикӣ ва «Доппелмайер» дар бахши сайёҳии Тоҷикистонро ҳамчун намунаи хуби ҳамкорӣ таъкид намуданд.
Баимзорасонии Созишномаи қарзи имтиёзнок дар ҳаҷми 10 миллион евро байни Вазорати молияи Тоҷикистон ва ширкати австриягии «АМЕ» оид ба муҷаҳҳаз ва муосиргардонии Муассисаи давлатии «Маркази ҷумҳуриявии илмии саратоншиносӣ»-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тадбири муҳим арзёбӣ карда шуд.
Сироҷиддин Муҳриддин ва Беате Майнл-Райзингер аз густариши бемайлони муносибатҳои дуҷониба изҳори қаноатмандӣ намуда, ба мувофиқа расиданд, ки дар марҳилаҳои навбатӣ барои тақвияти минбаъдаи онҳо тадбирҳои зарурӣ андешанд.
АКС: Вазорати корҳои хориҷии Ҷумҳурии Тоҷикистон
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
«Барномаи ҳамкорӣ байни вазоратҳои корҳои хориҷии Тоҷикистон ва Туркманистон барои солҳои 2027–2028» ба имзо расид
Президенти Туркманистон бо Вазири корҳои хориҷии Тоҷикистон мулоқот намуд
Дар Теҳрон табодули таҷриба байни мутахассисони соҳаи тибби Тоҷикистон ва Эрон баррасӣ гардид
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
Дар Душанбе аҳаммияти ҳамкории байналмилалӣ барои таъмини рушди устувор баррасӣ гардид
Намояндаи доимии Тоҷикистон бо мудири кулли Дафтари СММ дар Вена мулоқот намуд
Дар Риёз ҳамкорӣ байни Муассисаи давлатии «Тоҷикфилм» ва Комиссияи синамои Арабистони Саудӣ баррасӣ шуд
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
