Рушди ҳамкории фарҳангии Тоҷикистону Қирғизистон баррасӣ шуд
ДУШАНБЕ, 20.05.2026 /АМИТ «Ховар»/. Вазири фарҳанги Ҷумҳурии Тоҷикистон Матлубахон Сатториён дар доираи Рӯзҳои фарҳанги Тоҷикистон дар Қирғизистон бо муовини Раиси Девони Вазирони Қирғизистон Улан Маматканов ва Вазири фарҳанг, иттилоот ва сиёсати ҷавонони ин кишвар Мирбек Мамбеталиев мулоқот намуд.
Тавре ба АМИТ «Ховар» аз Сафорати Ҷумҳурии Тоҷикистон дар Ҷумҳурии Қирғизистон хабар доданд, зимни вохӯрӣ ҷонибҳо масъалаҳои рушди ҳамкории фарҳангиву гуманитарӣ, густариши робитаҳои байни муассисаҳои фарҳангӣ, табодули ҷавонон ва татбиқи лоиҳаҳои муштаракро баррасӣ карданд.
Таваҷҷуҳи махсус ба аҳамияти Рӯзҳои фарҳанги Ҷумҳурии Тоҷикистон ҳамчун механизми муҳими таҳкими фазои дӯстӣ, ҳусни ҳамҷаворӣ ва эътимоди мутақобила байни ду халқ зоҳир карда шуд.
Таъкид гардид, ки бо шарофати иродаи сиёсӣ ва дастгирии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Ҷумҳурии Қирғизистон муҳтарам Садир Жапаров муносибатҳои ду кишвар хусусияти устувор ва дорои самти стратегӣ касб менамоянд.
Дар ҷараёни музокирот масъалаҳои фаъолсозии робитаҳои мустақим байни театрҳо, осорхонаҳо, китобхонаҳо ва муассисаҳои таълимии фарҳангии ду давлат, густариши табодули ҷавонон ва барномаҳои таълимӣ, инчунин татбиқи лоиҳаҳои муштарак дар соҳаҳои адабиёт, санъат ва китобдорӣ мавриди баррасӣ қарор гирифтанд.
АКС: Сафорати Ҷумҳурии Тоҷикистон дар Ҷумҳурии Қирғизистон
Имрӯз дар шаҳри Душанбе Рӯзи фарҳанги ноҳияи Рӯдакӣ доир шуд
РӮЗИ ФАРҲАНГИ НОҲИЯИ ҚУБОДИЁН. Барномаҳои рангини фарҳангиву фароғатӣ таваҷҷуҳи иштирокчиёнро ба худ ҷалб намуд
Китоби «Китобномаи шарҳиҳолӣ»-и Сипеҳр Ҳасанзод рӯнамоӣ гардид
Ҷаласаи комиссияи Озмуни ҷумҳуриявии «Тоҷикистон — Ватани азизи ман» баргузор гардид
Намояндаи Ҳизби Коммунистии Чин дар Осорхонаи миллии Тоҷикистон бо таъриху фарҳанги тоҷикон шинос шуд
Узви Раёсати Ҳизби «Ени Озарбойҷон» дар Осорхонаи миллӣ бо тамаддуни қадимаи тоҷикон шинос гардид
Дар Теҳрон китоби «Каманди зулф»-и Зулфия Атоӣ рӯнамоӣ гардид
РОБИАИ БАЛХӢ – НАХУСТБОНУИ СОҲИБДЕВОНИ АДАБИЁТИ ТОҶИКУ ФОРС. Дар Душанбе конференсияи байналмилалӣ баргузор шуд
Бахшида ба 35-солагии Истиқлолияти давлатӣ китоби «Хуттали Қадим» аз чоп баромад
Бахшида ба фаъолияти соҳаи метрологияи тоҷик Конференсияи байналмилалии илмӣ-назариявӣ баргузор гардид
Ҳунармандони тоҷик дар Фестивали 4-уми байналмилалии театрҳои лӯхтак иштирок намуданд
Дар Душанбе Рӯзҳои фарҳанги шаҳри Турсунзода ва ноҳияҳои Қубодиён, Рӯдакӣ, Спитамен, Шаҳринав ва Панҷ баргузор мешаванд
