Муовини Сарвазири Тоҷикистон бо ҳолати фаъолияти пойгоҳи обкашии №17 дар ноҳияи Ёвон шинос шуд
ДУШАНБЕ, 20.05.2026 /АМИТ «Ховар»/. Муовини Сарвазири Ҷумҳурии Тоҷикистон Сулаймон Зиёзода бо ҳолати фаъолияти пойгоҳи обкашии №17 дар ноҳияи Ёвон шинос шуд. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ёвон хабар доданд.
Зимни шиносоӣ масъулини соҳа оид ба вазъи техникии пойгоҳи обкашӣ, таъмини муттасили оби полезӣ ба заминҳои кишоварзӣ, омодагии таҷҳизот ба мавсими обёрӣ ва тадбирҳои андешида барои истифодаи самараноки захираҳои обӣ маълумот пешниҳод намуданд.
Иброз гардид, ки фаъолияти мунтазами пойгоҳи мазкур дар таъмини заминҳои кишоварзии ноҳия бо оби полезӣ нақши муҳим дошта, ба рушди соҳаи кишоварзӣ ва ба даст овардани ҳосили фаровон мусоидат менамояд. Ҳамзамон ба масъулин барои нигоҳдории дурусти таҷҳизот, баланд бардоштани самаранокии кори пойгоҳ ва истифодаи оқилонаи об дастуру супоришҳои мушаххас дода шуд.
Ҳайат инчунин бо ҷараёни корҳои таъмиру барқарорсозӣ ва омодагии техникии таҷҳизоти обкашӣ шинос гардида, барои сари вақт анҷом додани корҳои мавсимӣ, пешгирии талафоти об ва беҳтар намудани сатҳи хизматрасонӣ ба кишоварзон дастур дода шуд.
Таъкид карда шуд, ки бо дастгириву таваҷҷуҳи Ҳукумати Ҷумҳурии Тоҷикистон барои рушди соҳаи мелиоратсия ва беҳдошти замин тадбирҳои муассир амалӣ гардида, ба хотири таъмини устувори соҳаи кишоварзӣ корҳои созандагӣ идома доранд.
АКС: Мақомоти иҷроияи ҳокимияти давлатии ноҳияи Ёвон
Покистон тасмим гирифтааст, ки ҳамкориро бо Тоҷикистон дар соҳаи сайёҳӣ густариш диҳад
Моҳи сентябр дар Тоҷикистон панҷумин Форуми Осиёи Марказӣ оид ба пиринг ва пайвастшавӣ доир мегардад
ИМРӮЗ — РӮЗИ АНГИШТКАНОН. Истихроҷи ангишт то ба 3 миллион тонна расонида мешавад
Дар хоҷагии деҳқонии «Боғи Сомон»-и шаҳри Турсунзода мавсими тайёр кардани мавиз оғоз гардид
Рақамикунонӣ — омили муҳими рушди бехатарии озуқаворӣ дар сарҳад ва нақлиёт
Ширкати «Жонгшан»-и Чин дар Тоҷикистон ҳавзҳои муосири моҳидорӣ бунёд менамояд
«РОҒУН» — РАМЗИ ҚУДРАТИ ЭНЕРГЕТИКИИ ТОҶИКИСТОН ДАР АРСАИ БАЙНАЛМИЛАЛӢ. Андешаҳо дар ин маврид
Ҷиҳати пешгирии таъсири хавфҳои эҳтимолӣ ба иқтисодиёти миллӣ ҷаласа баргузор гардид
«СИЁСАТИ НУРАФЗО». Таҳти ин унвон доир ба нақши Пешвои миллат дар рушди соҳаи энергетика китоби нав ба нашр расид
Татбиқи ташаббусҳои глобалии Тоҷикистон оид ба ҳифзи пиряхҳо ва криосфера дар Душанбе баррасӣ шуд
Имрӯз парвози мустақим дар хатсайри Душанбе–Минск оғоз гардид
Ташаккули сиёсати зиддикоррупсионии Ҳукумати Ҷумҳурии Тоҷикистон дар даврони истиқлоли давлатӣ баррасӣ гардид
