Ноҳияи Дӯстии вилояти Хатлон нақшаи истеҳсоли пилларо пурра иҷро намуд
ДУШАНБЕ, 15.05.2026 /АМИТ «Ховар»/. Нақшаи истеҳсоли пилла дар ноҳияи Дӯстии вилояти Хатлон пурра иҷро гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Дӯстӣ хабар доданд.
Роҳбарияти ноҳия иттилоъ доданд, ки бо мақсади таъмини иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дастҷамъона меҳнат намуда, нақшаи истеҳсоли пилларо пурра иҷро намуданд.
Тибқи нақша, соли равон кирмакпарварони ноҳияи Дӯстӣ ҳосили фаровон рӯёнида, 17 тонна пилла супориданд.
Тибқи банди 2 қарори Ҳукумати Ҷумҳурии Тоҷикистон аз 1 июни соли 2023 «Дар бораи андешидани тадбирҳо барои рушди соҳаи пиллапарварӣ» Мақомоти иҷроияи ҳокимияти давлатии ноҳияи Дӯстӣ дар мавсими пиллапарварӣ ситод оид ба тақсими тухми кирмаки зиндашуда ва ҷамъоварии пилларо дар ҳамоҳангӣ бо мақомоти соҳавии зертобеи ноҳиявӣ, ҷамоатҳои шаҳраку деҳот, раисони маҳаллаҳо ва хоҷагиҳои кишоварзӣ таъсис намуд. Дар натиҷа бо меҳнати софдилона нақшаи гузошташуда пурра иҷро гардид.
Иттилоъ дода шуд, ки кирмакпарварони ноҳия то охири мавсими пилласупорӣ имкон доранд, ки ба таври илова боз беш аз 5 тонна пиллаи хушсифат супоранд.
АКС аз бойгонӣ
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
