Қоҳир Расулзода бо Вазири федералии тағйирёбии иқлим ва ҳамоҳангсозии муҳити зисти Покистон Мусаддиқ Масъуд Малик мулоқот намуд

ДУШАНБЕ, 26.05.2026 /АМИТ «Ховар»/. 26 май дар ҳошияи Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» Сарвазири Ҷумҳурии Тоҷикистон Қоҳир Расулзода бо Вазири федералии тағйирёбии иқлим ва ҳамоҳангсозии муҳити зисти Ҷумҳурии Исломии Покистон Мусаддиқ Масъуд Малик мулоқот намуд, хабар медиҳад АМИТ «Ховар».

Сарвазири кишвар нахуст ба  кишвари дӯсту бародари Покистон барои дастгирии пайвастаи ташаббусҳои байналмиллалии Тоҷикистон, хусусан дар самти обу иқлим ва ҳифзи муҳити зист, изҳори сипос намуд.

Дар ҷараёни суҳбат масъалаҳои рушди ҳамкории ду кишвар дар самтҳои сиёсат, иқтисод, тиҷорат, энергетика, нақлиёту транзит, амният, илму маориф ва ҳифзи муҳити зист мавриди баррасӣ қарор гирифтанд.

Ҷонибҳо омодагии ҳамаҷонибаи худро барои таҳким ва густариши минбаъдаи ҳамкорӣ дар самтҳои мавриди назар таъкид намуданд.

АКС: АМИТ «Ховар»