ОГОҲӢ. Дар баъзе шаҳру ноҳияҳои Тоҷикистон то 4 май хавфи сар задани сел боқӣ мемонад

ДУШАНБЕ, 02.05.2026 /АМИТ «Ховар»/. Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки рӯзҳои 2-4 май бо сабаби ба амал омадани бориши дорои хусусияти сели маҳаллӣ, ба истиснои шарқи Вилояти Мухтори Кӯҳистони Бадахшон дар  баъзе ноҳияҳои вилояти Хатлон, Суғд, ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон хавфи сар задани селҳои маҳаллӣ боқӣ мемонад.

Инчунин 2-3 май дар минтақаҳои шарқии Вилояти Мухтори Кӯҳистони Бадахшон бо сабаби омилҳои метеорологӣ (хокборише, ки аз самти минтақаҳои шарқӣ ва ҷанубу шарқӣ ба мамлакат ворид мегардад), баланд шудани ҳолати ифлосшавии ҳавои атмосферӣ аз моддаҳои муаллақ (чанг),  заррачаҳои андозаашон 10мкр (Рм-10) ва заррачаҳои андозаашон 2,5мкр (Рм-2,5) дар назар аст.

3-4 май бо сабаби ба амал омадани бориш дар дарёҳои Вахш, Ёхсӯ, Қизилсӯ (ҷанубӣ) ва дарёҳои аз нишебиҳои ҷанубии қаторкӯҳҳои Ҳисор ҷоришаванда баландшавии сатҳи об дар назар аст.

Аз ин хотир Агентии обуҳавошиносӣ ба шаҳрвандон тавсия медиҳад, ки дар чунин вазъи номусоиди обу ҳаво тадбирҳои эҳтиётӣ андешанд.