ПУРСИДЕД, ҶАВОБ МЕДИҲЕМ. Кадом хатарҳо ҳангоми истифодаи хизматрасониҳои молиявӣ дар Федератсияи Русия вуҷуд доранд?
ДУШАНБЕ, 08.05.2026 /АМИТ «Ховар»/. Намояндагии Ҷумҳурии Тоҷикистон дар Федератсияи Русия оид ба масъалаҳои муҳоҷират ба иттилои шаҳрвандони Тоҷикистон, ки дар қаламрави Русия қарор доранд, мерасонад, ки онҳо аз анҷом додани амалиётҳои бонкӣ, истифодаи хизматрасониҳои молиявӣ ва интиқоли маблағҳо ба кортҳои шахсони сеюм ё ташкилоти давлатҳои хориҷӣ худдорӣ намоянд. Зеро барои чунин амалҳо дар қонунгузории Федератсияи Русия ҷавобгарии ҷиноӣ пешбинӣ гардидааст.
Аз ҷумла, аз интиқоли маблағ ба кортҳои бонкие, ки аз ҷониби гурӯҳҳои номаълум бо баҳонаи ҷамъоварии кумак ба зарардидагон ё дигар намудҳои дастгирӣ пешниҳод мешаванд, худдорӣ кардан зарур мебошад.
Намояндагӣ ҳамчунин ба таваҷҷуҳи шаҳрвандон мерасонад, ки тибқи қарорҳои Суди Олии Ҷумҳурии Тоҷикистон ва Суди Олии Федератсияи Русия як қатор ташкилоту гурӯҳҳо ба рӯйхати ташкилотҳои террористию экстремистӣ ва агентҳои хориҷӣ шомил карда шудаанд. Дар робита ба ин, интиқоли маблағ ё расонидани ҳар гуна кумак ба чунин сохторҳо метавонад боиси ба ҷавобгарии ҷиноӣ кашида шудани шаҳрванд гардад. Аз шаҳрвандон даъват карда мешавад, ки худ ва наздиконашонро аз амалҳои ғайриқонунӣ эмин нигоҳ доранд.
Дар ҳолати пайдо гардидани саволҳо ё мушкилот шаҳрвандон метавонанд барои гирифтани кӯмаки ҳуқуқии ройгон ба намояндагӣ бо рақамҳои +7 (495) 967-98-44 ва +7 (999) 912-58-68 муроҷиат намоянд.
Ёдовар мешавем, ки вобаста ба масъалаҳои будубоши шаҳрвандони Ҷумҳурии Тоҷикистон дар Федератсияи Русия, аз ҷумла бақайдгирии онҳо дар давлати иқомат ва дигар масъалаҳои марбут ба муҳоҷирати меҳнатӣ, аз ҷониби намояндагони Вазорати меҳнат, муҳоҷират ва шуғли аҳолии Ҷумҳурии Тоҷикистон дар фурудгоҳҳои мамлакат корҳои фаҳмондадиҳӣ идома доранд.
АКС аз манбаъҳои боз
ҚОНУНИ АВФ. Давлат ба ҳазорон шаҳрванд имконият медиҳад ба назди оилаҳои худ баргашта, ҳуқуқи худро ба зиндагии арзанда амалӣ созанд
Дар Душанбе оид ба тамоюлҳои рушди маориф дар давлатҳои ИДМ конфронси байналмилалӣ баргузор шуд
Дар ноҳияи Фирдавсӣ барои фаъолони ҳизб машғулияти омӯзишӣ доир гардид
Дар доираи лоиҳаи идоракунии раванди обшавии пиряхҳо ба Агентии обуҳавошиносӣ таҷҳизоти муосир дастрас карда шуд
Ҷаласаи якуми Комиссияи назди Ҳукумати Ҷумҳурии Тоҷикистон оид ба нуфус ва рушд баргузор шуд
Истироҳатгоҳи маърифатӣ ва фароғатии «Камароб» ба фаъолият оғоз намуд
Барои пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Корвони «Навои модарони ваҳдатсаро» бо фаъолияти корхонаҳои саноатии ноҳияи Ёвон шинос шуданд
АЗ РӮЗГОРИ ОДАМОНИ НАҶИБ. Ёде аз хизматҳои намоёни арбоби давлатӣ ва ҳуқуқшиноси варзида Ҳомиддин Шарифов
Сафари Корвони «Навои модарони ваҳдатсаро» ба шаҳру ноҳияҳои Тоҷикистон оғоз шуд
Имсол дар Тоҷикистон чанд дармонгоҳи нав сохта шуд?
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
