Рӯзҳои фарҳанги Тоҷикистон дар Қирғизистон ба анҷом расиданд
ДУШАНБЕ, 22.05.2026 /АМИТ «Ховар»/. 21 май дар шаҳри Чолпон-Ота маросими пӯшидашавии Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Ҷумҳурии Қирғизистон хабар доданд.
Дар чорабинӣ иброз гардид, ки Рӯзҳои фарҳанг ба рӯйдоди муҳим дар рушди ҳамкории гуманитарии Тоҷикистону Қирғизистон табдил ёфта, ба мардуми ҳарду мамлакат имконият фароҳам меоваранд, то бо мероси ғании таърихию фарҳангии ҳамдигар аз наздик шинос шаванд.
Таъкид шуд, ки муносибатҳои дӯстонаи Тоҷикистону Қирғизистон, ки бар пояи робитаҳои бисёрсолаи таърихӣ бунёд ёфтаанд, имрӯз бо шарофати иродаи сиёсӣ ва талошҳои сарони ду давлат пайваста таҳким меёбанд. Ҳамзамон нақши муҳими фарҳанг дар таҳкими дӯстӣ, эҳтироми мутақобил, эътимод ва ҳамдигарфаҳмӣ байни мардумони ду давлат махсус таъкид шуд.
Дар доираи Рӯзҳои фарҳанги Ҷумҳурии Тоҷикистон дар Ҷумҳурии Қирғизистон барномаҳои консертӣ, намоишгоҳҳои санъати тасвирӣ, намоиши филмҳои тоҷикӣ, мулоқотҳои илмӣ ва адабии намояндагони зиёиёни эҷодӣ ва илмии ду кишвар, инчунин дигар чорабиниҳо баргузор гардиданд, ки фарҳанги ғанӣ ва тамаддуни қадимии мардумони тоҷик ва қирғизро инъикос менамуданд.
Таваҷҷуҳи махсус ба аҳамияти чорабиниҳои фарҳангӣ, адабӣ, ҳунарӣ ва синамоӣ зоҳир карда шуд. Онҳо ба густариши робитаҳои гуманитарӣ, рушди муколамаи эҷодӣ ва шиносоии амиқтари мардумони ду кишвар бо мероси таърихию фарҳангии ҳамдигар мусоидат намуданд.
Ҳамчунин итминони мутақобил изҳор гардид, ки натиҷаҳои Рӯзҳои фарҳанг барои тавсеаи минбаъдаи ҳамкории фарҳангӣ, таҳкими фазои дӯстӣ, эътимод ва ҳамсоягии нек байни Тоҷикистону Қирғизистон заминаи мусоид фароҳам меоранд.
Дар фарҷом ҷониби Тоҷикистон ба роҳбарият ва мардуми Қирғизистон барои пазироии гарму самимӣ, меҳмоннавозӣ ва фароҳам овардани шароити мусоид барои баргузории чорабиниҳо дар доираи Рӯзҳои фарҳанг изҳори сипоси самимӣ намуд.
АКС: Сафорати Ҷумҳурии Тоҷикистон дар Ҷумҳурии Қирғизистон
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
Ҳайати Ҷумҳурии Тоҷикистон бо иқтидори саноатии вилояти Брест шинос гардид
