Рӯзҳои кинои Ҷумҳурии Тоҷикистон дар Ҷумҳурии Қирғизистон ифтитоҳ гардиданд
ДУШАНБЕ, 18.05.2026 /АМИТ «Ховар»/. Дар доираи Рӯзҳои фарҳанги Ҷумҳурии Тоҷикистон дар Ҷумҳурии Қирғизистон дар шаҳри Бишкек маросими ифтитоҳи Рӯзҳои кинои Ҷумҳурии Тоҷикистон баргузор гардид.
Дар чорабинӣ Вазири фарҳанги Ҷумҳурии Тоҷикистон, Вазири фарҳанг, иттилоот ва сиёсати ҷавонони Ҷумҳурии Қирғизистон, намояндагони мақомоти давлатӣ, ҳайати дипломатӣ, ходимони фарҳанг ва санъат, намояндагони ҷомеаи синамо, зиёиёни эҷодӣ ва илмии ду кишвар, инчунин тамошобинон ва дӯстдорони санъати кино иштирок намуданд.
Зимни маросим вазирони фарҳанги ду кишвар таъкид намуданд, ки баргузории Рӯзҳои кинои тоҷик ҷузъи муҳими ҳамкории фарҳангиву гуманитарии Тоҷикистон ва Қирғизистон ба шумор рафта, ба таҳкими минбаъдаи муносибатҳои дӯстӣ, ҳусни ҳамҷаворӣ ва ҳамдигарфаҳмӣ байни ду халқи бародар мусоидат мекунад.
Ҳамчунин иброз гардид, ки санъати кино дар рушди муколамаи байнифарҳангӣ, ҳифзи арзишҳои маънавию ахлоқӣ ва муаррифии мероси ғании таърихиву фарҳангии халқҳои Осиёи Марказӣ ҷойгоҳи махсус дошта, ташаббусҳои муштараки фарҳангӣ барои густариши робитаҳои гуманитарӣ байни ду давлат хизмат менамоянд.
Дар доираи Рӯзҳои кино дар кинотеатри «Ала-Тоо» намоиши филмҳои ҳунарии тоҷик ба нақша гирифта шудааст. Аз ҷумла, 18 май намоиши филми «Зиндагӣ зебост», 19 май — филми «Қисса дар бораи Рустам» ва 20 май — филми «Роҳи хашм» баргузор мегардад.
Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
ТАМАДДУНИ ТОҶИКОН. Аз ёдгории таърихии «Сайёд» муҳри шоҳии марбут ба аҳди Кӯшониён дарёфт гардид
Таҳти унвони «Эмомалӣ Раҳмон: абармарди сиёсат, ҳақиқатнигори таърих, ҳувиятофари миллат» конференсияи байналмилалӣ доир шуд
Дар Душанбе рӯзҳои фарҳанги вилояти Суғд, ноҳияҳои Ванҷ, Шуғнон ва Рӯшон баргузор мегарданд
