Раванди ислоҳоти низоми гумрукӣ ва татбиқи барномаҳои рақамикунонӣ бо Бонки ҷаҳонӣ баррасӣ шуд
ДУШАНБЕ, 20.05.2026 /АМИТ «Ховар»/. Сатҳи ҳамкории мутақобили судманд байни Тоҷикистон ва Бонки ҷаҳонӣ дар доираи миссияи кумаки техникӣ оид ба ислоҳоти низоми андоз ва гумрук дар мулоқоти муовини якуми Сардори Хадамоти гумруки назди Ҳукумати Ҷумҳурии Тоҷикистон Азим Турсунзода бо ҳайати намояндагони Бонки ҷаҳонӣ таҳти роҳбарии Ян Лёприк баррасӣ гардид. АМИТ «Ховар» бо истинод ба Хадамоти гумруки ҷумҳурӣ иттилоъ медиҳад, ки ҷонибҳо идомаи ҳамкориро дар самти ислоҳоти низоми гумрукӣ, рақамикунонии хизматрасониҳо ва рушди иқтидори институтсионалӣ муҳим арзёбӣ намуданд.
Роҳбарияти Хадамоти гумруки назди Ҳукумати Ҷумҳурии Тоҷикистон доир ба ислоҳоту навгониҳои дар мақомоти гумруки Ҷумҳурии Тоҷикистон аз соли 2018 то имрӯз амалигардида маълумоти муфассал пешниҳод намуд.
Таъкид гардид, ки дар ин давра барои мутобиқсозии фаъолияти мақомоти гумрук ба талаботи муосир ва стандартҳои байналмилалӣ тадбирҳои зарурӣ, аз ҷумла рақамикунонии расмиёти гумрукӣ, содагардонии барасмиятдарории гумрукӣ, такмили низоми идоракунии хавфҳо, ҷорӣ намудани технологияҳои муосири иттилоотӣ, рушди инфрасохтори гумрукӣ ва баланд бардоштани шаффофияти фаъолият андешида шуданд.
Ҳамзамон дар мулоқот барномаҳои миёнамуҳлати рушди мақомоти гумруки Ҷумҳурии Тоҷикистон барои солҳои 2020–2024 ва 2025–2029 баррасӣ гардиданд. Гуфта шуд, ки дар доираи ин барномаҳо татбиқи ислоҳоти институтсионалӣ, ҷорӣ намудани технологияҳои инноватсионӣ, рушди хизматрасониҳои электронӣ, баланд бардоштани самаранокии назорати гумрукӣ ва таҳкими ҳамкории байналмилалӣ пешбинӣ шудааст.
Намояндагони Бонки ҷаҳонӣ аз пешрафтҳои дар самти ислоҳот ва навсозии соҳа бадастомада истиқбол намуда, барои идомаи ҳамкории техникӣ ва дастгирии самтҳои афзалиятноки соҳа изҳори омодагӣ намуданд.
Дар анҷом ҷонибҳо идомаи ҳамкориро дар самти татбиқи ислоҳоти минбаъдаи гумрук, ҷорӣ намудани технологияҳои муосир ва таҳкими иқтидори институтсионалӣ зарур шумориданд.
Ҳамчунин ҷонибҳо барои идомаи мулоқоти минбаъда, муайян намудани самтҳои нави ҳамкорӣ ва таҳкими ҳамкории мутақобили судманд ибрози омодагӣ намуданд.
АКС: Хадамоти гумруки назди Ҳукумати Ҷумҳурии Тоҷикистон
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Дар Душанбе масъалаи таъминоти сӯзишворӣ дар бозори истеъмолӣ ва танзими нархи он баррасӣ шуд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
