РАВАНДИ ОБИ ДУШАНБЕ. Ҷаласаи мавзуии «Об барои сайёра» баргузор шуд
ДУШАНБЕ, 26.05.2026 /АМИТ «Ховар»/. Дар доираи Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» ҷаласаи мавзуии «Об барои сайёра» баргузор гардид, хабар медиҳад АМИТ «Ховар».
Ҷаласа ба идораи устувори захираҳои об дар тамоми системаи гидрологӣ – аз пиряхҳо ва обҳои кӯҳҳо то дарёҳо, ботлоқзорҳо, обҳои зеризаминӣ ва экосистемаҳои баҳрӣ тамаркуз кард.
Дар рафти муҳокимаҳо иштирокчиён иброз доштанд, ки тағирёбии иқлим, таназзули муҳити зист, коҳиши пиряхҳо, бад шудани сифати об ва афзоиши фишорҳои иҷтимоӣ-иқтисодӣ барои амнияти ҷаҳонии об ва устувории системаҳои экологӣ хатарҳои ҷиддӣ доранд.
Таъкид гардид, ки системаи ба ҳам пайвастаи «пиряҳ ба баҳр» дар танзими иқлим, ҳифзи гуногунии биологӣ, таъмини амнияти озуқаворӣ ва ҳифзи аҳолӣ аз офатҳои марбут ба об, аз ҷумла обхезӣ, хушксолӣ ва таназзули замин нақши калидӣ дорад.
Иштирокчиён масъалаҳои идоракунии маҷмуии захираҳои об, татбиқи равишҳои экосистема, барқарорсозии экосистемаҳои табиӣ, беҳтар намудани мониторинги гидрологӣ ва таҳкими ҳамкориҳои фаромарзӣ ва ҳамкории байнисоҳаҳоро баррасӣ карданд.
Таваҷҷуҳи махсус ба тавсеаи сармоягузорӣ ва механизмҳои маблағгузории иқлим барои дастгирии идоракунии устувори захираҳои об ва эҷоди устуворӣ ба таъсири тағирёбии иқлим дода шуд.
Дар ҷаласаи мавзуӣ намояндагони ҳукуматҳо, созмонҳои байналмилалӣ, ҷомеаҳои илмӣ ва коршиносон, институтҳои молиявӣ ва ниҳодҳои идоракунии об иштирок намуданд.
Зарангези ЛАТИФ,
АМИТ «Ховар»
АКС: АМИТ «Ховар»
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
Ҳайати Ҷумҳурии Тоҷикистон бо иқтидори саноатии вилояти Брест шинос гардид
Дар Қоҳира масъалаҳои таҳкими ҳамкорӣ дар самти таблиғи фарҳанги сулҳ баррасӣ шуданд
Доир ба Даҳсолаи байналмилалӣ оид ба таҳкими сулҳ барои наслҳои оянда дар Ҳисор ҳамоиш баргузор шуд
Дар Брест ҷаласаи 19-уми Комиссияи байниҳукуматии Тоҷикистону Беларус баргузор гардид
Ташаббусҳои байналмилалии Пешвои миллат дар таҳкими сулҳи ҷаҳонӣ ва рушди маърифати ҳуқуқӣ баррасӣ шуданд
