РАВАНДИ ОБИ ДУШАНБЕ. Ба масъалаи маблағгузории лоиҳаҳо дар соҳаи обрасонӣ ва санитария таваҷҷуҳи махсус дода мешавад
ДУШАНБЕ, 05.05.2026. /АМИТ «Ховар»/. Дар чорабиниҳои канории Конфронси чоруми байналмилалии сатҳи баланд оид ба «Даҳсолаи байналмилалии амал «Об барои рушди устувор, 2018-2028» ба масъалаи татбиқи лоиҳаҳо дар соҳаи обрасонӣ ва санитария таваҷҷуҳи махсус дода мешавад. Дар ин ҷаласаҳо роҳҳои баланд бардоштани самаранокии сармоягузориҳо ва ба натиҷаҳои назаррас расидан, аз ҷумла беҳтар кардани дастрасии аҳолӣ ба оби бехатар ва санитария муҳокима мегарданд. Дар ин хусус АМИТ «Ховар» бо истинод ба сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» хабар медиҳад.
Бояд гуфт, ки маблағгузории лоиҳаҳо дар соҳаи обрасонӣ ва санитария шарти асосии расидан ба ҳадафҳо маҳсуб мешавад. Барои рушди инфрасохтор, ҷорӣ кардани технологияҳои нав ва мустаҳкам кардани иқтидори институтсионалӣ сармоягузориҳои назаррас ва дарозмуддат талаб карда мешаванд. Нақши махсусро дар ин раванд муассисаҳои байналмилалии молиявӣ, инчунин механизмҳои маблағгузории иқлимӣ мебозанд, ки кишварҳоро тавассути қарзҳо, грантҳо ва кумаки техникӣ дастгирӣ мекунанд.
Таваҷҷуҳи алоҳида ба рушди шарикӣ байни бахши давлатӣ, сармоягузорони хусусӣ ва созмонҳои байналмилалӣ дода мешавад. Чунин шакли ҳамкорӣ имкон медиҳанд, ки на танҳо захираҳои иловагӣ сафарбар карда шаванд, балки сифати идоракунии лоиҳаҳо баланд бардошта, хатарҳо коҳиш дода шуда, устувории дарозмуддати онҳо таъмин карда шавад.
Мустаҳкам кардани механизми маблағгузорӣ ва рушди ҳамкории бисёрҷониба дар ҳалли бомуваффақияти масъалаҳои ҷаҳонии об омили муҳимтарин арзёбӣ мегардад.
Ёдовар мешавем, ки аз 25 то 28 майи соли 2026 дар шаҳри Душанбе Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» баргузор мегардад.
Конфронс бо ташаббуси Ҳукумати Ҷумҳурии Тоҷикистон дар ҳамкорӣ бо Созмони Милали Муттаҳид ва дигар шарикони рушд бо мақсади мусоидат ба пешрафт дар татбиқи ҳадафҳои Даҳсолаи байналмилалии амал «Об барои рушди устувор, солҳои 2018–2028», ки бо Қатъномаи Маҷмааи Умумии Созмони Милали Муттаҳид аз 21 декабри соли 2016 эълон гардидааст, гузаронида мешавад.
АКС: Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028»
Таҳкими ҳамкорӣ байни сохторҳои дахлдори иқтисодии Тоҷикистон ва Умон баррасӣ шуд
ПЕШВОИ МИЛЛАТ ВА МАРҲАЛАИ НАВИ ТАҲКИМИ СУЛҲИ ҶАҲОНӢ. Дар ҳошияи қабули Қатъномаи Маҷмаи Умумии СММ оид ба эълони «Даҳсолаи байналмилалӣ оид ба таҳкими сулҳ ба хотири наслҳои оянда»
Дар Ню-Йорк натиҷаҳои Конфронси чоруми байналмилалии сатҳи баланд оид ба об дар Душанбе муаррифӣ шуданд
Дар Масқат рушди ҳамкории Тоҷикистону Умон дар соҳаҳои гуногун баррасӣ шуд
Сафири Тоҷикистон бо роҳбари Раёсати Осиё ва Уқёнуси Ороми Вазорати корҳои хориҷии Олмон мулоқот намуд
Қатъномаи СММ оид ба «Даҳсолаи байналмилалии таҳкими сулҳ ба хотири наслҳои оянда» дар Вена муаррифӣ гардид
Cафири нави Муғулистон дар Тоҷикистон нусхаи эътимоднома супорид
Дар Ашқобод доир ба аҳамияти қабули қатъномаи СММ оид ба Даҳсолаи байналмилалии таҳкими сулҳ нишасти матбуотӣ баргузор шуд
Сироҷиддин Муҳриддин бо Сафири Озарбойҷон дар Тоҷикистон мулоқот намуд
Дар Дакка машваратҳои сиёсии Тоҷикистон ва Бангладеш баргузор шуданд
Сафири Тоҷикистон дар Русия бо Дабири кулли Созмони байналмилалии забони русӣ мулоқот намуд
