РАВАНДИ ОБИ ДУШАНБЕ. Дар Душанбе ҷаласаҳои пленарӣ ва нишастҳои ҷамъбастии Конфронси чоруми байналмилалии сатҳи баланд баргузор мегарданд
ДУШАНБЕ, 27.05.2026 /АМИТ «Ховар»/. Имрӯз дар пойтахти Тоҷикистон дар доираи Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018–2028» ҷаласаҳои пленарӣ, муҳокимаҳои махсуси панелӣ, нишастҳои мавзӯӣ ва ҷаласаҳои ҷамъбастӣ баргузор мешаванд, хабар медиҳад мухбири АМИТ «Ховар».
Ҷаласаи пленарӣ дар толори асосии «Кохи Сомон» таҳти ҳамраисии Муовини Сарвазири Ҷумҳурии Тоҷикистон Сулаймон Зиёзода ва Муовини Дабири кулли Созмони Милали Муттаҳид оид ба масъалаҳои иқтисодӣ ва иҷтимоӣ Ли Тсзюнхуа доир мегардад.
Дар ҷараёни ҷаласа суханронии роҳбарони ҳайатҳо аз давлатҳо, намояндагони созмонҳои байналмилалӣ ва минтақавӣ, ниҳодҳои молиявӣ, инчунин коршиносон ва шарикони рушд дар назар аст. Таваҷҷуҳи асосӣ ба масъалаҳои таҳкими ҳамкории байналмилалӣ дар соҳаи захираҳои об, пешбурди рӯзномаи ҷаҳонии об ва татбиқи Ҳадафҳои рушди устувор равона мегардад.
Дар доираи барномаи конференсия инчунин муҳокимаҳои махсуси панелӣ вобаста ба натиҷаҳои Даҳсолаи байналмилалии амал дар соҳаи об, омодагӣ ба Конфронси Созмони Милали Муттаҳид оид ба захираҳои оби соли 2028 ва ҳамчунин баррасии самтҳои минбаъдаи сиёсати ҷаҳонии об пас аз соли 2030 баргузор мешаванд.
Иштирокчиён масъалаҳои таҳкими ҳамкории байналмилалӣ, мутобиқшавӣ ба тағйирёбии иқлим, таъмини дастрасии аҳолӣ ба захираҳои об ва беҳдошт, инчунин роҳҳои ноил гардидан ба ҳадафҳои дарозмуддати рушди устувор дар соҳаи обро муҳокима менамоянд.
Пас аз анҷоми чорабиниҳои мавзӯӣ ҷаласаи ҷамъбастии конференсия баргузор гардида, аз натиҷаҳои он барои намояндагони воситаҳои ахбори омма нишасти матбуотӣ доир карда мешавад.
Пайрав ҚОСИМ
АМИТ «Ховар»
АКС: АМИТ «Ховар»
Таҳкими ҳамкорӣ байни сохторҳои дахлдори иқтисодии Тоҷикистон ва Умон баррасӣ шуд
ПЕШВОИ МИЛЛАТ ВА МАРҲАЛАИ НАВИ ТАҲКИМИ СУЛҲИ ҶАҲОНӢ. Дар ҳошияи қабули Қатъномаи Маҷмаи Умумии СММ оид ба эълони «Даҳсолаи байналмилалӣ оид ба таҳкими сулҳ ба хотири наслҳои оянда»
Дар Ню-Йорк натиҷаҳои Конфронси чоруми байналмилалии сатҳи баланд оид ба об дар Душанбе муаррифӣ шуданд
Дар Масқат рушди ҳамкории Тоҷикистону Умон дар соҳаҳои гуногун баррасӣ шуд
Сафири Тоҷикистон бо роҳбари Раёсати Осиё ва Уқёнуси Ороми Вазорати корҳои хориҷии Олмон мулоқот намуд
Қатъномаи СММ оид ба «Даҳсолаи байналмилалии таҳкими сулҳ ба хотири наслҳои оянда» дар Вена муаррифӣ гардид
Cафири нави Муғулистон дар Тоҷикистон нусхаи эътимоднома супорид
Дар Ашқобод доир ба аҳамияти қабули қатъномаи СММ оид ба Даҳсолаи байналмилалии таҳкими сулҳ нишасти матбуотӣ баргузор шуд
Сироҷиддин Муҳриддин бо Сафири Озарбойҷон дар Тоҷикистон мулоқот намуд
Дар Дакка машваратҳои сиёсии Тоҷикистон ва Бангладеш баргузор шуданд
Сафири Тоҷикистон дар Русия бо Дабири кулли Созмони байналмилалии забони русӣ мулоқот намуд
