РАВАНДИ ОБИ ДУШАНБЕ. Дар Душанбе ҷаласаи мавзуии «Об барои шукуфоӣ» баргузор гардид
ДУШАНБЕ, 26.05.2026 /АМИТ «Ховар»/. Дар доираи Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» дар «Кохи Сомон» ҷаласаи мавзуии «Об барои шукуфоӣ» баргузор гардид, иттилоъ медиҳад хабарнигори АМИТ «Ховар».
Тавре иброз гардид, ҷаласаи мавзуӣ марҳилаи калидӣ дар омодагӣ ба Конфронси оби СММ дар соли 2026 буда, ба идоракунии ҳамгирошудаи захираҳои об, таҳкими амнияти об, татбиқи технологияҳои инноватсионӣ ва рушди иқтисоди устувори об тамаркуз карда шуд.
Пас аз муҳокимаҳо иштирокчиён аҳамияти таҳияи ҳалли амалӣ ва миқёспазири обро, ки ба таҳкими амнияти ҷаҳонии об ва омодагии бомуваффақият ба Конфронси оби СММ дар соли 2026 равона шудаанд, таъкид карданд.
Ба тавсеаи ҳамкории байналмилалӣ, такмили механизмҳои идораи захираҳои об ва таъмини дастрасӣ ба қарорҳои муосири технологӣ барои ноил шудан ба Ҳадафи 6-уми рушди устувор таваҷҷуҳи махсус зоҳир гардид.
Ёдовар мешавем, ки Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» 27 май низ идома меёбад.
Тибқи иттилои Вазорати корҳои хориҷии Тоҷикистон, ин конфронсро тақрибан 400 намояндаи воситаҳои ахбори оммаи дохилӣ ва хориҷӣ, аз ҷумла зиёда аз 100 хабарнигори хориҷӣ аз агентӣ ва шабакаҳои пешбари ҷаҳонӣ инъикос мекунанд.
Барои намояндагони воситаҳои ахбори омма дар «Кохи Сомон» маркази матбуотии муосир бо тамоми шароити техникӣ ташкил карда шудааст.
Баргузории Конфронси 4-уми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028» бори дигар нақши рӯзафзуни Тоҷикистонро дар пешбурди рӯзномаи ҷаҳонии об ва таҳкими ҳамкории байналмилалӣ дар самти рушди устувор таъкид мекунад.
Илова бар ин, ба ташкили чорабинӣ беш аз 150 волонтёр ҷалб гардидаанд, ки дар ҳамоҳангсозии ҳайатҳо, корҳои ташкилӣ ва хизматрасонӣ ба иштирокчиён мусоидат мекунанд.
Зарангези ЛАТИФ,
АМИТ «Ховар»
АКС: АМИТ «Ховар»
РАВАНДИ ОБИ ДУШАНБЕ. Нақши рӯзномаи об дар равандҳои бисёрҷонибаи байналмилалӣ дар Душанбе баррасӣ шуд
Дар Душанбе мулоқоти сарвазирони Тоҷикистон ва Бурунди баргузор гардид
РАВАНДИ ОБИ ДУШАНБЕ. Президенти Тоҷикистон пешниҳод намуданд, ки «Чаҳорчӯби Душанбе барои об» таъсис дода шавад
РАВАНДИ ОБИ ДУШАНБЕ. Ҷаласаи мавзуии «Об барои сайёра» баргузор шуд
Барои бунёди бинои Сафорати Ҷумҳурии Тоҷикистон дар Давлати Кувайт санги асос гузошта шуд
Қоҳир Расулзода бо Вазири федералии тағйирёбии иқлим ва ҳамоҳангсозии муҳити зисти Покистон Мусаддиқ Масъуд Малик мулоқот намуд
РАВАНДИ ОБИ ДУШАНБЕ. Дар доираи Конфронси сатҳи баланд дар мавзуи «Об барои инсонҳо» ҷаласаи канорӣ баргузор шуд
Қоҳир Расулзода бо муовини Дабири кулли СММ, Котиби иҷроияи ЭСКАТО хонум Армида Салсиаҳ Алисҷаҳбана мулоқот намуд
Идомаи Конфронси байналмилалии Душанбе: таваҷҷуҳ ба масъалаҳои об ва иқлим
Болот Молдобеков: «Ташаббусҳои Президенти Тоҷикистон дар бораи оби тоза, ҳифзи пиряхҳо ва иқлим боиси таҳсин аст»
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
