РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
ДУШАНБЕ, 26.05.2026 /АМИТ «Ховар»/. 26 май дар Намоишгоҳи байналмилалӣ таҳти унвони «Устувории захираҳои обӣ барои ҳалли мушкилоти иқлим», ки дар доираи Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» дар «Кохи Сомон»-и шаҳри Душанбе баргузор гардид, иқтидори обию энергетикӣ ва сайёҳию шаҳрсозии Тоҷикистон ба намоиш гузошта шуд, иттилоъ медиҳад хабарнигори АМИТ «Ховар» аз ҷараёни баргузории ин чорабинӣ.
Дар ин намоишгоҳ вазорату идораҳои Тоҷикистон ва муассисаҳои илмию пажӯҳишии мамлакат, инчунин созмонҳои минтақавию байналмилалӣ, ки самти фаъолияташон ба таъмини амнияти обию энергетикӣ, бунёди иншооти бузурги обию энергетикӣ, инчунин ҳифзи муҳити зист ва таъмини амнияти обӣ нигаронида шудааст, дастовардҳои соҳаро ба намоиш гузоштанд.
Дар намоишгоҳ гӯшаи созмондодаи Вазорати энергетика ва захираҳои оби Ҷумҳурии Тоҷикистон ва ширкати «Барқи Тоҷик» таваҷҷуҳи иштирокдорони Конфронси сатҳи баланди Душанберо ҷалб намуд.
Дар ин гӯша тарҳи иншооти бузурги гидроэнергетикӣ- неругоҳҳои барқи обӣ, обанборҳо, кӯлу дарёҳо ва пиряхҳои Тоҷикистон, ки 60 фоизи захираи обҳои Осиёи Марказӣ аз онҳо ташаккул меёбад, хеле чашмрас буда, сарзамини обҳои тоза ва кишвари ташаббусҳои глобалӣ будани Тоҷикистонро дар соҳаи об ва ҳифзи пиряхҳо бори дигар ба ҷаҳониён, аз ҷумла иштирокдорони Конфронси 4-уми сатҳи баланди Душанбе муаррифӣ намуд.
Бояд гуфт, ки Конфронси 4-уми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 дар доираи Раванди оби Душанбе доир шуда, намояндагони ҷомеаи ҷаҳониро барои баррасии масъалаҳои мубрами рӯзномаи ҷаҳонии об муттаҳид месозад.
Интизор меравад, ки дар доираи баргузории Конфронси 4-уми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 муҳимтарин масъалаҳои марбут ба захираҳои обӣ, муттаҳидсозӣ ва тақвияти ҳамкории кишварҳои ҷаҳон дар самти таъмини амнияти обию энергетикии сайёра дар раванди тағйирёбии иқлим баррасӣ гарданд.
Марзия САИДЗОДА,
АМИТ «Ховар»
АКС: АМИТ «Ховар»
Пешвои миллат Эмомалӣ Раҳмон бо муовини Дабири кулли СММ оид ба масъалаҳои иқтисодӣ ва иҷтимоӣ Ли Ҷунҳуа мулоқот намуданд
Пешвои миллат: ««Чаҳорчӯби Душанбе барои об» муҳаррики пешбурди Рӯзномаи ҷаҳонии об пас аз соли 2030 хоҳад шуд»
Сарвари давлат Эмомалӣ Раҳмон дар Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» иштирок намуданд
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар Конфронси чоруми байналмилалии сатҳи баланд оид ба Даҳсолаи байналмилалии амал: “Об барои рушди устувор, солҳои 2018-2028”
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
Имрӯз Конфронси 4-уми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 оғоз мегардад
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
