Сафири Тоҷикистон ба намояндагони расонаҳои Покистон оид ба ташаббусҳои байналмилалии мамлакат маълумот дод
ДУШАНБЕ, 13.05.2026 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Ҷумҳурии Исломии Покистон Юсуф Шарифзода бо намояндагони расонаҳои рақамии «The Gulf Observer» ва «The Europe Today» мулоқот намуд.
Тавре ба АМИТ «Ховар» аз Сафорати Ҷумҳурии Тоҷикистон дар Ҷумҳурии Исломии Покистон хабар доданд, дар ҷараёни вохӯрӣ ҷонибҳо масъалаҳои марбут ба муносибатҳои дуҷонибаи Тоҷикистону Покистон, рушди ҳамкории сиёсӣ, иқтисодӣ, фарҳангӣ ва мероси таърихиро баррасӣ намуданд. Таваҷҷуҳи махсус ба масъалаҳои тағйирёбии иқлим ва мушкилоти вобаста ба захираҳои обӣ дар минтақа зоҳир гардид.
Сафири Тоҷикистон зимни суҳбат нақши ташаббусҳои байналмилалии Ҷумҳурии Тоҷикистонро дар пешбурди рӯзномаи ҷаҳонии об таъкид намуда, доир ба баргузории Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор», 2018–2028, ки аз 25 то 28 майи соли 2026 дар шаҳри Душанбе баргузор мегардад, маълумот пешниҳод кард.
Ҳамчунин аҳамияти густариши ҳамкории иттилоотӣ ва нақши матбуот дар инъикоси масъалаҳои мубрами экологӣ ва обӣ таъкид гардид.
Дар доираи мулоқот меҳмонон инчунин бо китобхонаи Сафорат шинос шуда, доир ба адабиёти тоҷик, мероси бойи таърихию фарҳангӣ, анъанаю суннатҳои миллӣ ва дастовардҳои Тоҷикистон дар даврони соҳибистиқлолӣ маълумоти муфассал пешниҳод гардид.
Ҷонибҳо изҳори боварӣ намуданд, ки рушди ҳамкории расонаӣ ва табодули иттилоот ба таҳкими бештари робитаҳои дуҷониба мусоидат хоҳад кард.
АКС: Сафорати Ҷумҳурии Тоҷикистон дар Ҷумҳурии Исломии Покистон
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
Ҳайати Ҷумҳурии Тоҷикистон бо иқтидори саноатии вилояти Брест шинос гардид
Дар Қоҳира масъалаҳои таҳкими ҳамкорӣ дар самти таблиғи фарҳанги сулҳ баррасӣ шуданд
Доир ба Даҳсолаи байналмилалӣ оид ба таҳкими сулҳ барои наслҳои оянда дар Ҳисор ҳамоиш баргузор шуд
Дар Брест ҷаласаи 19-уми Комиссияи байниҳукуматии Тоҷикистону Беларус баргузор гардид
Ташаббусҳои байналмилалии Пешвои миллат дар таҳкими сулҳи ҷаҳонӣ ва рушди маърифати ҳуқуқӣ баррасӣ шуданд
