Ширкатҳои сайёҳии Тоҷикистон дар Намоишгоҳи байналмилалии «Bishkek International Tourism Fair 2026» иштирок намуданд
ДУШАНБЕ, 05.05.2026. /АМИТ «Ховар»/. Аз 30 апрел то 2 майи соли 2026 дар шаҳри Бишкек ширкатҳои сайёҳии Ҷумҳурии Тоҷикистон дар Намоишгоҳи байналмилалии «Bishkek International Tourism Fair 2026 (BITF 2026)» иштирок намуда, гӯшаи миллии мамлакатро муаррифӣ карданд. Дар ин хусус ба АМИТ «Ховар» аз Сафорати Ҷумҳурии Тоҷикистон дар Ҷумҳурии Қирғизистон хабар доданд.
Дар ин намоишгоҳ Ҷумҳурии Тоҷикистонро ширкатҳои пешсафи соҳаи сайёҳӣ намояндагӣ карданд. Дар доираи намоишгоҳ иқтидори сайёҳии мамлакат, мероси ғании таърихию фарҳангӣ, инфрасохтори муосир ва маҷмуи васеи маҳсулоти сайёҳӣ муаррифӣ гардид.
Дар ҷараёни намоишгоҳ масъалаҳои пешбурди самтҳои сайёҳӣ дар бозорҳои байналмилалӣ, ҷалби сармоягузорӣ, рушди инфрасохтори нақлиётӣ ва сайёҳӣ, ҷорӣ намудани технологияҳои рақамӣ, инчунин густариши ҳамкории байналмилалӣ мавриди баррасӣ қарор гирифтанд. Таваҷҷуҳи махсус ба рушди сайёҳии экологӣ ва кӯҳӣ, ташаккули масирҳои нав ва баланд бардоштани сифати хизматрасониҳои сайёҳӣ зоҳир гардид.
Дар доираи чорабинӣ ширкатҳои сайёҳии Тоҷикистон бо шарикони хориҷӣ якчанд мулоқотҳои дуҷониба баргузор намуда, дурнамои ташкили ҳамкории шарикӣ ва густариши ҳамкориро баррасӣ карданд.
Аз рӯйи натиҷаҳои намоишгоҳ байни ширкатҳои сайёҳии Тоҷикистон ва Қирғизистон 11 созишномаи ҳамкорӣ ба имзо расид.
Иштироки Ҷумҳурии Тоҷикистон дар «BITF 2026» ба пешбурди минбаъдаи иқтидори сайёҳии мамлакат дар арсаи байналмилалӣ, густариши робитаҳои корӣ ва азхудкунии бозорҳои нав мусоидат намуда, аҳамияти намоишгоҳро ҳамчун платформаи муассир дар соҳаи сайёҳӣ бори дигар тасдиқ намуд.
АКС: Сафорати Ҷумҳурии Тоҷикистон дар Ҷумҳурии Қирғизистон
Дар Душанбе оид ба нақши занони мақомоти гумрук дар таҳкими арзишҳои миллӣ ва хизмати давлатӣ ҳамоиш доир шуд
Дурнамои таҳкими ҳамкории Бонки миллии Тоҷикистон бо Бонки ҷаҳонӣ дар Душанбе баррасӣ гардид
Раванди татбиқи лоиҳаи муштараки «Диёри Душанбе» дар Қатар баррасӣ карда шуд
Президенти Тоҷикистон: «Вилояти Мухтори Кӯҳистони Бадахшон бо мардуми меҳмоннавоз ва имконоти васеи сайёҳӣ маҳбубияти зиёд дорад»
Дар Душанбе Форуми байналмилалии «Савдои фаромарзии бекоғаз ва ҳамгироии минтақавӣ» баргузор гардид
Дар ноҳияи Дарвоз бахшида ба 35-солагии Истиқлоли давлатӣ 11 иншоот ифтитоҳ гардид
Дар даврони соҳибистиқлолӣ ба рушди иҷтимоию иқтисодии Бадахшон беш аз 26 миллиард сомонӣ равона гардидааст
Пешвои миллат: «Маҷмуи маҳсулоти Вилояти Мухтори Кӯҳистони Бадахшон дар 25 соли охир 93 баробар афзоиш ёфтааст»
Дар Бадахшон ба истиқболи ҷашни 35-солагии Истиқлоли давлатӣ 1545 иншооти таъйиноти гуногун сохта, ба истифода дода шудааст
Дар Бадахшон корҳои сохтмонии зеристгоҳи барқии «Шарифобод» оғоз гардид
Дар Тоҷикистон беш аз 400 ҳазор тонна пиёз ҷамъоварӣ гардидааст
Дар Тоҷикистон дар беш аз 223 ҳазор гектар кишти тирамоҳӣ гузаронида мешавад
