Стратегияи рушди соҳаи алоқаи Тоҷикистон ба шарикони рушд муаррифӣ карда шуд
ДУШАНБЕ, 04.05.2026. /АМИТ «Ховар»/. Дар доираи нишасти Шурои ҳамоҳангсози шарикони рушд оид ба масъалаҳои рақамикунонӣ муҳтавои «Стратегияи рушди соҳаи алоқаи Ҷумҳурии Тоҷикистон барои давраи то соли 2040» муаррифӣ гардид.
Тавре ба АМИТ «Ховар» аз Хадамоти алоқаи назди Ҳукумати Ҷумҳурии Тоҷикистон хабар доданд, ҷаласа таҳти роҳбарии муовини якуми Сарвазири Ҷумҳурии Тоҷикистон Ҳоким Холиқзода доир шуд. Дар он сардори Хадамоти алоқаи назди Ҳукумати Ҷумҳурии Тоҷикистон Исфандиёри Саъдулло «Стратегияи рушди соҳаи алоқа барои давраи то соли 2040»–ро муаррифӣ намуда, ҳадафу афзалияти калидии онро шарҳ дод.
Иброз гардид, ки стратегия ба фарогирии умумии интернети баландсуръат, баланд бардоштани сифати хизматрасониҳои алоқа, тавсеаи шабакаҳои насли нав ва таъмини дастрасии баробар ба хизматрасониҳои рақамӣ дар тамоми манотиқи мамлакат равона шудааст.
Гуфта шуд, ки татбиқи босамари он ҳамчун заминаи калидӣ барои рушди иқтисоди рақамӣ, густариши ҳукумати электронӣ ва баланд бардоштани рақобатпазирии иқтисоди миллӣ хизмат хоҳад кард.
Дар баробари ин, рушди инфрасохтори телекоммуникатсионӣ омили ҳалкунанда барои суръат бахшидани раванди рақамикунонӣ ва ҷалби сармоягузорӣ арзёбӣ гардид.
Дар охир шарикони рушд барои дастгирии амалисозии ин стратегия ва густариши ҳамкории мутақобили судманд дар самти рушди соҳаи алоқа ва технологияҳои рақамӣ изҳори омодагӣ намуданд.
АКС: Хадамоти алоқаи назди Ҳукумати Ҷумҳурии Тоҷикистон
Боғпарварони ноҳияи Лахш имсол ҳосили фаровони мева мерӯёнанд
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
Тоҷикистон ва Қатар ҳамкорӣ дар самти сармоягузориро тақвият медиҳанд
Ҷаласаи навбатии Комиссияи байниҳукуматии Ҷумҳурии Тоҷикистон ва Федератсияи Русия баргузор гардид
Густариши ҳамкории Тоҷикистон ва Узбекистон дар соҳаи инноватсия ва технологияҳои рақамӣ баррасӣ шуд
Ҳамоишҳои байналмилалӣ дар соҳаи алоқа ҷамъбаст гардиданд
Хуршед Мирзо: «Иқдоми муҳими Тоҷикистон дар соҳаи инноватсия ва технологияҳои рақамӣ бунёди IT HUB DUSHANBE аст»
«Барномаи давлатии рушди маърифат ва фарҳанги экологии аҳолии Ҷумҳурии Тоҷикистон барои солҳои 2026-2030» қабул гардид
Дар Душанбе натиҷаҳои миллии Шарҳи чоруми фаъолияти экологӣ дар Ҷумҳурии Тоҷикистон муаррифӣ шуданд
Дар Давҳа тақвияти ҳамкории Тоҷикистон бо AIIB баррасӣ гардид
