Таҳкими ҳамкорӣ байни Тоҷикистон ва Хазинаи байналмилалии асъор баррасӣ гардид
ДУШАНБЕ, 02.05.2026. /АМИТ «Ховар»/. 1 май вохӯрии Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода бо роҳбари миссияи Хазинаи байналмилалии асъор (ХБА) оид ба Тоҷикистон Мэтю Гартнер баргузор гардид.
Тавре ба АМИТ «Ховар» аз Вазорати рушди иқтисод ва савдо хабар доданд, зимни вохӯрӣ масъалаҳо оид ба таҳкими ҳамкорӣ дар самтҳои афзалиятнок, аз ҷумла татбиқи ҳуҷҷатҳои банақшагирии стратегӣ, мукаммалгардонии низоми дурнамосозӣ, пешгирии таъсири хавфҳои эҳтимолӣ ва таъмини устувории нишондиҳандаҳои макроиқтисодӣ мавриди баррасӣ қарор гирифтанд.
Абдураҳмон Абдураҳмонзода иброз намуд, ки дар моҳҳои январ-марти соли 2026 новобаста аз вазъи мураккаби иқтисоди ҷаҳон дар натиҷаи иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва тадбирҳои андешидаи Ҳукумати кишвар суръати рушди иқтисоди миллӣ 8 фоизро ташкил дод.
Мэтю Гартнер устувории нишондиҳандаҳои макроиқтисодӣ ва дастовардҳои иқтисодии ноилгардидаи Тоҷикистонро дар соли 2025 ва семоҳаи якуми соли 2026 мусбат арзёбӣ намуда, таъкид кард, ки новобаста аз таъсири омилҳои берунӣ солҳои охир рушди иқтисодии кишвар дар сатҳи баланд таъмин мегардад.
Дар анҷоми мулоқот ҷонибҳо барои густариши минбаъдаи ҳамкории мутақобили судманд изҳори омодагӣ намуданд.
АКС: Вазорати рушди иқтисод ва савдои Ҷумҳурии Тоҷикистон
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
