ТАЪСИСИ 500 ҶОЙИ НАВИ КОРӢ. Созишномаи сармоягузорӣ оид ба истифодаи панелҳои офтобӣ ба имзо расонида шуд
ДУШАНБЕ, 08.05.2026 /АМИТ «Ховар»/. Байни Ҳукумати Ҷумҳурии Тоҷикистон ва Ҷамъияти дорои масъулияти маҳдуди «Руфтоб» Созишномаи сармоягузорӣ оид ба лоиҳаи муҷаҳҳазгардонии корхонаҳо ва истифодабарандагони дигари энергия бо панелҳои офтобӣ дар Ҷумҳурии Тоҷикистон бо иқтидори умумии 2000 Мвт ба имзо расонида шуд. Дар ин хусус ба АМИТ «Ховар» аз Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ доданд.
Дар доираи амалисозии лоиҳа, иқтидори иловагии энергетикӣ дар ҳаҷми 2000 МВт бунёд гардида, истеҳсоли солонаи нерӯи барқ ба 3,5 миллиард кВт.соат мерасад. Ҳамчунин зиёда аз 500 ҷойи нави корӣ таъсис гардида, дар ҳаҷми то 1 миллиард доллари амрикоӣ сармоягузории мустақим ҷалб мегардад. Бо амалишавии ин лоиҳа партовҳои газҳои гулхонаӣ коҳиш ёфта, вазъи экологӣ беҳтар мегардад.
Татбиқи лоиҳа имконият фароҳам меорад, ки корхонаҳо мустақилона бо нерӯи барқ таъмин гардида, барзиёдии истеҳсол ба шабака интиқол дода шавад. Ин иқдом ба кам намудани сарбории шабакаҳои барқӣ, баланд бардоштани самаранокии истифодаи энергия ва афзоиши иқтидори содиротии ҷумҳурӣ мусоидат хоҳад намуд.
Тибқи созишнома, на камтар аз 80 фоизи кормандон аз ҳисоби шаҳрвандони Ҷумҳурии Тоҷикистон ҷалб гардида, барои омода намудани мутахассисони баландихтисос шароити мусоид фароҳам оварда мешавад.
Амалишавии лоиҳа ба ҳадафҳои «Стратегияи миллии рушди Ҷумҳурии Тоҷикистон то соли 2030» ва «Стратегияи ҷалби сармоя то соли 2040» мутобиқ буда, ба истифодаи манбаъҳои гуногуни энергия, рушди энергетикаи «сабз» ва коҳиши вобастагӣ аз манбаъҳои воридотӣ равона шудааст.
Лоиҳаи сармоягузорӣ бо мақсади суръат бахшидан ба истиқлолияти энергетикии кишвар, рушди энергетикаи «сабз», ҷорӣ намудани манбаъҳои барқароршавандаи энергия, коҳиш додани норасоии иқтидор дар низоми энергетикӣ, таъмини истифодаи самараноки неруи офтоб, ташкили механизми устувори ҳамкории сармоягузорӣ дар соҳаи энергетикаи офтобӣ ва фароҳам овардани шароити устувори иқтисодӣ равона гардидааст.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
